OMUENYO WETU WOUKRISTAU
Okuyawisa Ounongo Wetu Wokuivisa—Longesa Ovalongwa Vove Okulipongiya Pala Okulilongesa
TYAKOLELA MOKONDA YATYI: Mokonda tyina omulongwa elipongiya nawa, tyimukuatesako okunoñgonoka vali nawa onthele nokuheilimbwa. Tyina omulongwa anoñgonoka vali nawa nokuhalimbwa etyi alongeswa, tyimukuatesako okukula liwa motyili. Alo umwe tyina amambatisalwa una okupongiya omaliongiyo, netyi makapopia movilinga viokuivisa. Otyo matyimukuatesako “okutualako okukala tyalunguka”. (Mat. 25:13) Okukala notyituwa tyokupongiya nokulilongesa apeho tyikuatesako omulongwa okukula. Uhayeke omuvo ulambe, longesa omulongwa vove akale notyituwa tyokupongiya onthele mamulilongesa.
TYILINGWA ÑGENI:
-
Kala ongeleka ongwa. (Rom. 2:21) Soka komulongwa wove tyina upongiya. (km 11/15 pefo 3) Mulekesa onkhalelo omukanda wove wapongiyua.
-
Avela ondundo omulongwa wove okupongiya. Tyina pahe omunthu amakala omulongwa mupopila okuti okupongiya tyilinga onthele yokulilongesa iya omulekesa ouwa utundilila-ko. Muavela onondonga mbumukuatesako oñgeni apondola okuovola omuvo wokupongiya apeho. Ovakuatate vamwe tyina velilongesa nomulongwa wae nkhele umuavela omukanda wae wapongiyua-le opo atale ouwa utundilila kokupongiya. Pandula omulongwa wove tyina amapongiya.
-
Mulongesa oñgeni apondola okupongiya. Ovakuatate vamwe tete vaholovona omuvo opo vakuateseko omulongwa oñgeni ena okupongiya onthele mavelilongesa.