OMWENYO WETU WOUKILISITAU
Ovakulu Vewaneno Valingila-ko Oviwa Ovanthu va Siovaa
Ovanthu ovanyingi tyina vatala outumini tyiti ou utala ñgaa ou utala ñgaa. Omokonda yatyi? Omokonda tundee kohale, ovanthu vokutumina valinga vala vakwavo onya, valinga vala ovipuka veete okuti mavapoloko ouwa. (Miq. 7:3) Onthwe tupandula unene ovakulu vewaneno tuna-vo valongesiwa umwe nawa, opo valinge ovipuka vietela ouwa ovanthu va Siovaa. — Ester 10:3; Mat. 20:25, 26.
Ovakulu vewaneno velikalela unene novanthu vena outumini mouye uno. Otyilinga vena-tyo vetyilinga tupu okuhole Siovaa novanthu vae. (Suau 21:16; 1 Pet. 5:1-3) Ovakulu ovo, vahongolelwa na Sesusi opo vetyivile okukwatesako ovaivisi mewaneno, avakala mombunga ya Siovaa, avatwalako okukala omapanga a Siovaa. Tyina pena omwivisi umwe wesukisa okupamekwa, natyina kwamamoneka ovihuna, kaveliseta-seta vali, valinga umwe tyimwe opo vevekwateseko. Ine pena tyimwe wahanda okukwateswako popia novakulu vewaneno liove vekukwateseko. — Tia. 5:14.
HIKISA OVINDIU YATI: OVANTHITA VATEKULA NAWA ONONGI, PAHE OPULU OKUTI:
-
Oñgeni Mariana akwateswako novakulu vewaneno?
-
Oñgeni Elias akwateswako novakulu vewaneno?
-
Ngeetyi watala movindiu otyilinga patyi ovakulu vewaneno vena-tyo?