16-22 ya Tungonkhe
OVIIMBO 85-87
Otyiimbo 41 Nelikwambelo | Onondaka Mbokuhimbika (1 min.)
1. Elikwambelo Litukwatesako Atukoleleya
(10 min.)
Ita Siovaa ekwavele ehambu. (Ovii. 86:4)
Ita Siovaa ekukwateseko utwaleko okukakatela mwe. (Ovii. 86:11, 12; Omutala Womulavi 15/5/2012 pefo 28 § 10)
Yumba-ko onthumbi Siovaa makumbulula omalikwambelo ove. (Ovii. 86:6, 7; Omutala Womulavi 5/2023 pefo 13 §§ 17-18)
LIPULA OKUTI: ‘Tyina ndyina ovitateka, ndyilinga vali omalikwambelo omalaale, andyiwana-wana okulikwambela?’ — Ovii. 86:3.
2. Olumono Lwa Huku
(10 min.)
Ovii. 86:11 — Elikwambelo Ndaviti alingile litulongesa-tyi tyiyemba komutima womunthu? (Perspicaz Vol. 1 pefo 556 § 6)
Etyi watanga Ombimbiliya osimanu ino, oityi wahumba uhanda okutupopila?
3. Okutanga Ombimbiliya
(4 min.) Ovii. 86:1–87:7 (Okulongesa-12)
4. Pokuhimbika Etompho
(3 min.) OKWIVISA TYEHELI MOVILINGA VIOKWIVISA. Longesa omunthu Ombimbiliya. (Humba Ovanthu, elongeso 3 ponthele 5)
5. Pokukondoka-ko
(4 min.) OKWIVISA TYEHELI MOVILINGA VIOKWIVISA. Longesa omunthu Ombimbiliya wekupopilile okuti walinga otyiho mokonda yatyimwe apopilwa. (Humba Ovanthu, elongeso 7 ponthele 4)
6. Pokulongesa Omunthu Alinge Omulongwa
(5 min.) Kalako Nomwenyo Apeho! elongeso 15 onthele 5. Tompholei nomulongwa etyi mamulingi opo elilongese mosimanu motundu-po. (Humba Ovanthu, elongeso 10 ponthele 4)
Otyiimbo 83
7. Wahayeke-ko
(5 min.) Elongomona otyo upula.
Hikisa OVINDIU. Pahe opulu okuti:
Omokonda yatyi pamwe tusokela okuti hahe vali okuyeka-ko okwivisa?
Omokonda yatyi twahayekela-ko okwivisa?
8. Twalako Okulongesa Ovanthu Ombimbiliya!
(10 min.) Elongomona otyo upula.
Okuti mohanyi ino pena umwe wahimbika okulongesa Ombimbiliya nombulusula Kalako Nomwenyo Apeho!? Ine pena, opo naina wahambukilwe unene! Tupu, na vakwenyi vahambukilwa otyipuka otyo otyiwa. Mahi, ine nkhele petupu omunthu ulongesa Ombimbiliya, tyipondola hamwe ukahi nokulipula ine ononkhono ukahi nokulinga mbuna umwe esilivilo. Oityi una okulinga ine wasoya mokonda petupu omunthu nawike wekutavela umulongese Ombimbiliya?
Hikisa OVINDIU yati: “Mononkhalelo Ambuho Tuvaumbili va Huku . . . Pwa Elundo” — Tyina Wivisa. Pahe opulu okuti:
Oñgeni omukanda 2 Ova Kolindu 6:4, 6 utukwatesako, tyina tutala okuti ovilinga vietu viokwivisa vikahi vala “ngo kuyumba omukanda momungili”?
Oityi una okutala nawa ine apeho weenda umwe movilinga viokwivisa mahi nongootyo nkhele otyo wehena-le ou ulongesa Ombimbiliya?
Hinangela okuti, ehambu lietu kalitei oko vanthu veñgapi tulongesa Ombimbiliya. Mahi litei kokunoñgonoka okuti ononkhono tulinga mbuhambukiswa Siovaa. (Luka 10:17-20) Naina, twalako okuundapa mokambanya aka nomutima wove auho, tyityi okuti ‘onduvia una-yo movilinga ulingila Tatekulu, kaipeseka’! — 1 Kol. 15:58.
9. Elilongeso Li’Ombimbiliya Mewaneno
(30 min.) Omukanda Ava Oumbangi, okapitulu 15 opalangalafu 13-14, nokakasa pefo 137.
