28 ya Kulindi Atee 3 ya Kuhuhu
OVIIMBO 103-104
Otyiimbo 30 Nelikwambelo | Onondaka Mbokuhimbika (1 min.)
1. Ngwe Utyii Okuti “Tumbuma Yeheke”
(10 min.)
Okankhenda ka Siovaa kemulunda okupepuka omutima. (Ovii. 103:8; Omutala Womulavi 7/2023 pefo 21 § 5)
Ngwe kamekuyeke-po tyina wamapengesa. (Ovii. 103:9, 10; Omutala Womulavi 9/2023 pefo 6-7 §§ 16-18)
Ngwe kakevela tumwavele etyi twehevili okumupa. (Ovii. 103:14; Omutala Womulavi 5/2023 pefo 26 § 2)
LIPULA OKUTI: ‘Okuti omu ndyitekulila omukai wange, tyilekesa umwe nawa okuti ndyikahi nokuhetekela Siovaa wapepuka omutima?’
2. Olumono Lwa Huku
(10 min.)
-
Ovii. 104:24 — Oityi ovelesikulu ei itulongesa tyiyemba kounongo wa Siovaa wokuhinda ovipuka nokuvitunga? (Achegue-se a Jeová pefo 55 § 18)
-
Etyi watanga Ombimbiliya osimanu ino, oityi wahumba uhanda okutupopila?
3. Okutanga Ombimbiliya
(4 min.) Ovii. 104:1-24 (Okulongesa-11)
4. Pokuhimbika Etompho
(3 min.) OKWIVISA APA PAKWATA OVANTHU. (Humba Ovanthu, elongeso 3 ponthele 4)
5. Pokukondoka-ko
(4 min.) UMBO NA UMBO. Lekesa omunthu wetavela okulongeswa Ombimbiliya ovindiu yokwati Liepeko!. (Okulongesa-9)
6. Elongomona
(5 min.) Humba Ovanthu, Evi Viapotoyolwa A, onthele 6 — Osapi: Omulume una ‘okuhumba omukai wae ngeetyi ngwe mwene elihole.’ (Okulongesa-1)
Otyiimbo 44
7. Okuti Ove Wii Ovipuka Wehevili Okulinga?
(15 min.) Elongomona otyo upula.
Tyina onthwe tulingila Siovaa ovipuka tuvila okulinga, ngwe uhambukwa, ya noonthwe mwene tuhambukwa. (Ovii. 73:28) Mahi pahe tyina tututumba vala neevi twehevili okulinga, matukala notyiho atusoyo.
Hikisa OVINDIU yati: Opo Tuundape Unene Otyiwa Okutala Evi Tuvila. Pahe opulu okuti:
-
Oityi Siovaa akevela kwoonthwe? (Mik. 6:8)
-
Oityi tyakwatesako omphange okwahakala unene notyiho notyipuka ankho apanga?
8. Elilongeso Li’Ombimbiliya Mewaneno
(30 min.) Omukanda Ava Oumbangi, okapitulu 17 opalangalafu 8-12, nokakasa pefo 137.
