4-10 ya Tyitalale
OVIIMBO 16–17
Otyiimbo 111 Nelikwambelo | Onondaka Mbokuhimbika (1 min.)
1. “Siovaa, Ondyivi-Ndyivi Yange Yovipuka Oviwa”
(10 min.)
Okukala nomapanga ehole Siovaa tyihambukiswa. (Ovii. 16:2, 3; Omutala Womulavi 12/2018 pefo 23-24 § 11)
Tyina onthwe tutyii okuti tuhambukiswa Siovaa noonthwe mwene tuhambukwa. (Ovii. 16:5, 6; Omutala Womulavi 15/2/2014 pefo 29 § 4)
Onthwe twapama mokonda tutyii okuti Siovaa utuyakulila moupanga wetu nae. (Ovii. 16:8, 9; Omutala Womulavi 1/2/2008 pefo 7 §§ 2-3)
Nga Ndaviti, noonthwe tuna ehambu liokufenda Siovaa, mokonda kwee oko kutunda ovipuka oviwa.
LIPULA OKUTI: ‘Okuti pahe omwenyo wange wakala vali nawa etyi nanoñgonoka otyili?’
2. Olumono Lwa Huku
(10 min.)
-
Ovii. 17:8 — Oityi Ombimbiliya mwene ankho yahanda okupopia etyi yati “onthanga yeiho liove”? (Perspicaz Vol. 2 pefo 350)
-
Etyi watanga Ombimbiliya osimana ino, olumono patyi wavasa?
3. Okutanga Ombimbiliya
(4 min.) Ovii. 17:1-15 (Okulongesa-5)
4. Pokuhimbika Etompho
(1 min.) UMBO NA UMBO. Mwavela omukanda wokumukonga eye Kehinangelo. (Okulongesa-11)
5. Pokuhimbika Etompho
(3 min.) UMBO NA UMBO. Mwavela omukanda wokumukonga eye Kehinangelo. Omunthu wavasa ekutehelela nawa pahe omulekesa ovindiu yati: Okuhinangela Ononkhia Mba Sesusi. Konyima opopi ovipuka vimwe vili movindiu. (Okulongesa-9)
6. Pokuhimbika Etompho
(2 min.) OKWIVISA TYINA WEHELI MOVILINGA VIOKWIVISA. Mwavela omukanda wokumukonga eye Kehinangelo. (Okulongesa-2)
7. Pokulongesa Omunthu Alinge Omulongwa
Otyiimbo 20
8. Oityi Una Okulinga Ukale Tyafwapo Pala Onthiki Yehinangelo?
(15 min.) Elongomona lina epulo.
Mokonda onthwe tutavela etyi Sesusi apopia, tyina tyiti mo tyalumingu 24 ya Tyitalale matuhinangela ononkhia mbae. Matuhinangela ovipuka vivali vipopia umwe okuti ovo Siovaa na Sesusi vetuhole unene. (Luka 22:19; Swau 3:16; 15:13) Oityi ove una okulinga ukale umwe tyafwapo pala onthiki oyo yesukisa unene?
-
Tyina tuti pokukonga ovanthu veye Kehinangelo, noove konga ovanthu veye okutehelela elongomona litetekela Kehinangelo, nokuya Kehinangelo. Ovanthu wii wahanda okukonga vehoneka. Ine wavasa omunthu wesuka mahi owotyilongo otyikwavo, opo nyingila mo site jw.org oende pana pokwati: Vasa Omaliongiyo, uvase oola nomphangu valinga omaliongiyo kotyilongo tyavo.
-
Mohanyi ya Tyitalale noya Tyikukutu, undapa vali unene movilinga viokwivisa. Upondola okukala omukokoli-ndyila wapola pokati oave onoola 15 ine 30.
-
Tyina tyiti monthiki 18 ya Tyitalale, himbika nokulilongesa ovipuka viamonekele na Sesusi etyi ehungi kokwiipawa. Ove upondola okukoya ovikapitulu motange monthiki, mahi una okukoya povikapitulu vili pana pokwati: “Ehinangelo Lyo 2024 Ono Tesitu Mambutangwa,” pefo 6-7.
-
Monthiki yehinangelo, tala ovindiu Yefendelo Liombunga Yonthiki Yehinangelo mo jw.org.
-
Yakula nawa vana veya Kehinangelo navana vokwayeka-po okwivisa. Kumbulula etyi vekupula. Vepopila okuti moende keumbo liavo opo uvelongese vali ovipuka ovikwavo Ombimbiliya ipopia.
-
Soka umwe nawa etyi otyilikutila tyeyovo tyihangununa.
Hikisa OVINDIU yati: Okuhinangela Ononkhia mba Jesus. Pahe opulu okuti:
Oityi tuna okulinga twivise novindiu ei pokukonga ovanthu veye Kehinangelo?
9. Elilongeso Li’ombimbiliya Mewaneno
(30 min.) Omukanda Ava Oumbangi, okapitulu 6 opalangalafu 18-24, nokakasa pefo 54.
