EPULO 2
Huku momunoñgonoka ñgeni?
“Omukanda ou Wovitumino, kaupondola okuhondovoka komulungu wove una okuutanga tyitenya na tyinthiki nondaka yavova opo weendele umwe nawa-nawa mu atyiho tyahonekwa-mo ine ulinga ngootyo, ondyila yove mayeende nawa, okalinga ovipuka nonondunge.”
“Vatangela peulu omukanda Wovitumino vya Huku yotyotyili, avevihangununa nawa-nawa, otyo vapopia etyi vipunguhuna; ngootyo vakwatesile-ko ovanthu okunoñgonoka etyi tyikahi nokutangwa.”
“Uhambukwa omunthu wahalingi evi onondingavivi vapopia, . . . , Mahi uhambukilwa ovitumino vya Siovaa, utanga ovitumino Viae nondaka yavova na tyitenya na tyinthiki. . . , Atyiho alinga tyikemuviukila.”
“Filipi ahateka aende no kokalosa, utehela uli nokutanga omuuli Isaiya, pahe emupulu ati: ‘Otyo uli nokutanga wetyinoñgonoka?’ Ngwe ati: ‘Pahe, mandyinoñgonoka ñgeni nehena-vo ou undongesa?’”
“Mokonda yetyi, Huku mbili ahamonwa, nkhele vala tya kohale apa ouye watungwa, kovanthu katyimwiimba-le tyokuti mononkhono mbae evi evila okulinga kavihulila, oe umwe o Huku, navo umwe mwene vetyitalela kovipuka alinga, vetupu-ale apa vatatesila.”
“Tungulula umwe nawa kovipuka ovio; lipaka-mo umwe muvio, tyimoneke umwe kovanthu aveho okuti uli nokukula.”
“Onthwe tusukei na vakwetu opo tyituhohiye molwembia no movilinga oviwa, atwahayeke-po okuliongiya.”
“Naina, ine pwoonwe pena ou wakamba ounongo, ahayekeko ewiite ku Huku, mokonda una una otyali upa ovanthu aveho, tyahakandukila, uwiita meupewa umwe.”
