Omukanda wo Tete wa Samuwele 29:1-11
-
Ova Filisitiya valungila Ndaviti (1-11)
29 Ova Filisitiya+ avaongiya ovita viavo aviho ko Afeke, ova Isilayeli avaongo onthanda ponthele ponyombo ko Sesiliyeli.+
2 Ovatumini vova Filisitiya, vaenda novita viavo vina otyita, novikwavo vali vina 1000, Ndaviti novita viae avakala monyima yavo na Akisi.+
3 Ovatumini vova Filisitiya avapulu okuti: “Ova Hembeleu ava veya okulinga-tyi kuno?” Akisi akumbulula okuti: “Ou o Ndaviti, omuundapi wohamba yo Isilayeli Saulu. Nakala-le nae enima nononthiki mbumwe,+ hamwene natyike otyivi mwe, tundee monthiki eya okuholama kwaame atee hono.”
4 Ovatumini vova Filisitiya avemunumanena, avati: “Omulume ou akondoke.+ Akakale motyilongo wemutuma. Wehemuyeke aye nonthwe, upondola okuketutyitukila-po movilwa.+ Oityi ena okulinga opo apandwe na tatekulu yae, hakwiipaa ovakwa-vita vetu?
5 Ou ha Ndaviti una vaimbile tyina vanyana, avapopi okuti:
‘Saulu waipaa ovityita novityita,Mahi Ndaviti waipaa omakwii nomakwii ovityita’?”+
6 Akisi+ aihana Ndaviti emupopila okuti: “Na Siovaa umwe una omwenyo, ove umulume omuviuki, nahambukwa etyi weya novakwa-vita vange kovilwa,+ hamwene natyike otyivi kwoove tundee monthiki weya atee hono.+ Mahi, ovatumini kavekuyumbile onthumbi.+
7 Kondoka nombembwa, wahalinge natyike tyinumanesa ovatumini vova Filisitiya.”
8 Ndaviti apulu Akisi okuti: “Omokonda yatyi? Nalinga-tyi? Oityi tatekulu wamona omuundapi wove alinga tyapenga, tundee etyi neya kwoove atee hono? Omokonda yatyi nahaila kovilwa atukalwisa onondyale mba tatekulu yange ohamba?”
9 Akisi emukumbulula okuti: “Kwaame, ove ukahi nawa, ukahi ngoandyu ya Huku.+ Mahi ovatumini vova Filisitiya vamphopila okuti: ‘Ahaye noonthwe kovilwa.’
10 Ove novaundapi va tatekulu yove weya navo, pindukei-po muhuka kombimba, amukondoka tyina kwaandyuluka.”
11 Ngootyo Ndaviti novita viae, avapinduka-po kombimba, avakondoka kotyilongo tyova Filisitiya. Ova Filisitiya avaende ko Sesiliyeli.+
