Amosi 2:1-16
2 “Etyi otyo tyapopia Siovaa:‘“Mokonda Moambe+ wanthyitukila-po tutatu, anthyitukila-po vali tukwana, himelikondola kweetyi nahanda okulinga,Soka wayoka omankhipa ohamba yo Endoo ngao alinga ompheyu.
2 Otyo mandyitumina otupia ko Moambe,Otupia twatyo oto matuyoko-po ovimato viapama vya Keliyote;+Moambe makankhila pomalwei,Nonkhwino yahika, nonkhwo yovita.+
3 Mandyikapola pokati kae omutumini*Andyikemwipaela kumwe novakwatesiko vae,”*+ o Siovaa wetyipopia.’
4 Etyi otyo tyapopia Siovaa:‘Mokonda Sundaa+ wanthyitukila-po tutatu, anthyitukila-po vali tukwana, himelikondola,Soka vaanya okuhongolelwa na* Siovaa,Avahaendela movitumino viae;+Mahi vayapulwa nomatutu okwayapulile-ale ovakwaukulu vavo.+
5 Otyo mandyitumina otupia ko Sundaa,Otupia twatyo oto matuyoko-po ovimato viapama vyo Selusalei.’+
6 Etyi otyo tyapopia Siovaa:‘Mokonda Isilayeli wanthyitukila-po tutatu,+ anthyitukila-po vali tukwana, himelikondola,Soka omunthu wokuviukisa vemukumana nopalata,Omuhepi avemukumana nononkhaku onombali.+
7 Vamiangulila pohi omitwe vya vana velikondola kouna,+Vahondya ondyila yonondalawa.+
Omona na he valala nomuhikwena wike.Vasilisa enyina liange likola.
8 Pomitala aviho viovilikutila vayala-po onomanda,+ onomanda vapewa opinyolo;+Ovinyu vanwina mondywo yono huku mbavo, veilanda nonombongo vavaka kovanthu.’
9 ‘Mahi ame nahanya-ko ova Amoleu otyo vatala,+Ovalale-laale uti omusenduu,* vekahi ngomiti viokwapama.*Nahanya-ko ovinyango viavo keulu nomii viatyo pohi.+
10 Ame nemupola kotyilongo tyo Isitu,+Andyimukwatesa moluhandya mokweenda kwomanima 40,+Opo mupiñgane otyilongo tyova Amoleu.
11 Vamwe povana vove nevekoya opo vakale ovauli,+Vamwe povakwendye vove nevekoya opo vakale ova Nasileu.+
Okuti otyo hatyili-ko onwe va Isilayeli?’ O Siovaa wetyipopia.
12 ‘Mahi onwe, ova Nasileu mweveavela ovinyu,+Amupopila ovauli okuti: “Kamupondola okuula.”+
13 Mandyimumiangulila apa muli,Ngeetyi okatemba katyinda ovilia, kamiangula etyi tyili apa kakwata.
14 Wokuhateka unene utupu oku makaholama,+Wokwapama kamakakala vali nononkhono,Nawike povakwa-vita makahupisa omwenyo wae.*
15 Wokulwa nonkhondyi kameketyivila okulwa,Wokuhateka unene kamakahupa,Wokweendela konkhambe kamakahupisa omwenyo wae.*
16 Monthiki oyo, atee umwe omukwa-vita wokwakola vali omutima,Makahateka muhoyo,’+ o Siovaa wetyipopia.”
Outoi
^ Melaka liokonthuko: “Omukoyesi.”
^ Ine hamwe, “ovana vohamba.”
^ Ine, “ovitumino vya.”
^ Omusendulu omuti umwe omunene una omii viaya kohi wapama.
^ Melaka Liokonthuko: “Vapama ngomukalavaliu.”
^ Ine, “ohande yae.”
^ Ine, “ohande yae.”
