Amosi 6:1-14
6 “Vo ko Siyau vokuliyumba unene onthumbi,*No vo komphunda Samaliya vokulitehelela okuti vapama,+Novalume vokwankhimana vovilongo viiwe vali,Na vana eumbo lyo Isilayeli liyumba onthumbi, ngongo yavo!
2 Endei ko Kalinee amutale.
Amutundu-ko, amweende no ko Hamate Onene+Amulauka no ko Ngate kova Filisitiya.
Okuti vekahi vali nawa tyipona onohamba ombu?*Okuti ofika yavo onene vali tyipona yenyi?
3 Okuti mukahi nokulimbwa onthiki yovitateka,+Nokweta-ko outumini wononkhumbi?*+
4 Valangala komaula atungwa nomayo onondyamba,+ vatandavela komaula omawa,+Valia onondyona nononkhembe* mbokwanina.+
5 Vahoneka oviimbo opo valandule moviti viavo viokuhika,*+Vahinda oviti viavo viokuhika nga Ndaviti;+
6 Vanwina ovinyu monokopo ononene,+Veliwaveka omilela viokunika vali nawa.
Mahi kavesukile* nononkhumbi mba Susee!+
7 Mokonda yotyo, mavatetekela okutwalwa koupika.+Ovipito ovinene vya vana vatandavela komaula omawa, mavipu.
8 ‘Tatekulu Ohamba Onene Siovaa waana,’*+ o Siovaa Huku womambamba ovita wetyipopia, ati:‘“Ndyiyele omalityindailo a Sakoo,+Ovimato viae viapama, hivihande.+Mandyipakula epunda-umbo novipuka aviho vili-mo konondyale mbae.+
9 “‘“Mondywo imwe okuhupa ovalume 10, navo mavankhi.
10 Umwe pombunga* mekevepola-mo eveeta pondye, ayoko wike-wike. Matwala omankhipa avo kondye yeumbo. Apulu ou uli mokati kondywo okuti: ‘Okuti omo muna vali omunthu?’ Wokuli-mo akumbulula okuti: ‘Mutupu vali!’ Ngwe ati: ‘Uti filuu! Mokonda, ou hamuvo wokutumbula enyina lya Siovaa nii vala katutu.’”
11 Mokonda Siovaa ukahi nokwava otyitumino,+Mahanyauna-ko onondywo ononeneNonondywo ononthutu.+
12 Okuti ononkhambe mbupondola okuhateka kombanda yonkhanda?Okuti omunthu upondola okupandeka onongombe alimisa kombanda yonkhanda?
Onwe ouviuki mweutyitula omuti ukola ovanthu,Otyinyango tyouviuki mwetyityitula otyipuka tyilula;+
13 Onwe muhambukilwa etyi tyahasilivila,Amuti: “Twakamona tupu onombinga* ha kononkhono mbetu mwene?”+
14 Ove umbo lya Isilayeli, ame mankhukatulila otyuumbe-umbe tyovanthu,’+ o Siovaa Huku womambamba watola,‘Mavekumonesa emone okuhimbikila ko Lembo-Hamate*+ atee Kelola* lyo ko Alambaa.’”
Outoi
^ Ine, “vokuna omwenyo ukahi nawa.”
^ Mokutala, onohamba mbapopiwa apa oyo Sundaa no yo Isilayeli.
^ Melaka liokonthuko: “otyipundi tyononkhumbi.”
^ Ine, “ononthane.”
^ Ine, “movisandyi viavo.”
^ Melaka liokonthuko: “Kavavelele.”
^ Melaka liokonthuko: “Waana nohande yae mwene.”
^ Melaka liokonthuko: “Po vokulikwai na tate yavo.”
^ Melaka liokonthuko: “Matuliovolela ombinga.”
^ Ine, “kombundi yo Hamate.”
^ Melaka liokonthuko: “Ko Wandi.”
