Eholololo Swau Amona 20:1-15
20 Andyimono oandyu itunda keulu ilauka, yatyinda osapi yetoto liaya kohi,+ ina elienge limwe enene peke.
2 Aikwate enyoka enene,+ onyoka+ yo konthuko itiwa Eliapu,+ itiwa o Satanasi,+ ailikutu, alikala omanima 1.000 tyakutwa.
3 Oandyu oyo aiyumbu enyoka olio metoto+ liokwaya kohi, ailiikila-mo, aipake-ko otyilimbo, opo liahayapule vali ovanthu vovilongo atee omanima 1.000 apwa. Haa pahe, lina okukutululwa likale-ko vala katutu.+
4 Andyimono ovipundi, ava vepumphi-ko vapewa otyilinga tyokukoya onomphela. Otyili, andyimono onohande* mba ava vaipaelwa* okupa ovanthu oumbangi wayemba ku Sesusi, nokupopia etyi tyiyemba ku Huku, naava vahafendele enyama nii otyilolo tyalio, vahapakelwe otyilimbo tyalio mombamba no kokuvoko kwavo.+ Avakala vali nomwenyo avalingi onohamba avatumina na Kilisitu+ omanima 1.000.
5 (Ovakwavo vokwankhia+ kavapelwe omwenyo, atee omanima 1.000 apwa.) Olio, olio etutilo lyo tete.+
6 Vahambukwa, ovasukuki, ovava veli petutilo lyo tete;+ ovo, ononkhia+ mba vali kambuvevili vali,+ mahi mavakalinga ovanakwa+ va Huku, ovanakwa va Kilisitu, avakalinga onohamba avakatumina nae omanima 1.000.+
7 Omanima 1.000 maati vala pwee, Satanasi alupulwa-mo mokaleya apakwa,
8 aende akayondye ovanthu vovilongo komavindi ekwana ohi,* Ngonge na Mangonge, eveongiya velipake movilwa. Otyifwe tyavo uti oluheke lwo kelunga.
9 Avahanduka nohi yatyo aiho, avapake pokati onthanda yovasukuki, nepunda-umbo liokwapandwa. Mahi keulu akutundu otupia atuveyoko.+
10 Eli Eliapu liokweveyapulile, aliyumbwa metala liotupia, lina o isofele, omu muli-ale enyama+ nomuuli womatutu;+ mavakamonaiswa emone* apeho umwe na tyitenya na tyinthiki.
11 Pahe nkhati ñgaa, otyipundi otyinene tyounene otyinthwelu, andyimono no Ou upumphi-ko.+ Kotyipala tyae kuna ohi ili nokukemuhateka, nayo neulu, apahavasiwa vali apa ohi ikala,+ nii apa eulu likala.
12 Andyimono vokwankhia, ovanene novatutu, vetai komutwe wotyipundi tyounene, onombwingwa ambwiikulwa. Akwiikulwa ombwingwa onkhwavo; oyo ombwingwa yomwenyo.+ Vokwankhia omphela yavo aipopi, aitetwa novipuka viahonekwa monombwingwa okutala kweetyi ngwe valinga-linga.+
13 Elunga alieeta ava vankhila-mo, ononkhia ambweeta vayo, nambo nondyembo,* pahe omphela yavo aipopi, ayeendela umwe mweevi munthu na munthu alinga.+
14 Ombu ononkhia ambuyumbilwa kumwe nondyembo* metala liotupia.+ Etala liotupia,+ lipunguhuna ononkhia+ mba vali.
15 Ou tupu wahavasilwe momukanda womwenyo,+ wahahonekelwe-mo, nae ayumbwa metala liotupia.+
Outoi
^ Tala Onondaka Mbahangununwa, tupu tala Ehol. 6:9 pokatoi.
^ Melaka Liokonthuko: “Vaipawa nonkhava.”
^ Ine, “kononthomba ononkhwana mbohi.”
^ Ine, “mavaikwa; mavapakwa mokalavoso.”
^ Tala Onondaka Mbahangununwa.
^ Tala Onondaka Mbahangununwa.
