Esitala 5:1-17
5 Konyima omuuli Aseu,+ nomuuli Sakaliya+ omutekula wa Indu,+ avapopi eulo menyina lya Huku yova Isilayeli konthele yova Sundaa vekahi ko Sundaa no ko Selusalei.
2 Solombambele+ omona wa Seletiyele na Sesuwa+ omona wa Seosandake, avahimbika okutunga ondywo ya Huku,+ ankho ikahi mo Selusalei; ankho vena ovauli va Huku vevekwatesako.+
3 Pononthiki opo, Tatenai ankho omutumini wotyilongo tya Himba lina Ondongi,* Setale-Mbosenai na vana ankho aundapa navo, avaende-ko, avevepulu okuti: “Olie wemutuma okutunga ondywo ei, nokumanuhula okutunga otyitanthi etyi?”*
4 Avapulu vali okuti: “Ovanthu vekahi nokutunga ondywo ei, omanyina avo ovalie?”
5 Mahi Huku ankho ukahi nokuyunga* ovakulu ova Sundaa,+ mononthiki nkhele ankho Ndaliu eheneive natyike avehevetalameka kokutunga, pweetyi nkhele vehenetambule omukanda watunda kwe upopia otyipuka otyo.
6 Ou omukanda Tatenai omutumini wotyilongo tya Himba lina Ondongi na Setale-Mbosenai na vana ankho aundapa navo, ovakwatesiko vomutumini wotyilongo tya Himba lina Ondongi, vatumine Kohamba Ndaliu;
7 vatumine omukanda, avahoneka onondaka ombu:
“Wenda Kohamba Ndaliu:
“Ombembwa ikale noove!
8 Tuhanda ohamba ityinoñgonoke okuti, twaile kepunda-umbo enene* lyo Sundaa, kondywo ya Huku omunene, ikahi nokutungwa nomamanya omanene aetwa-po, nomavai ekahi nokupakwa motyimato. Ovanthu vekahi nokutunga nehambu, ovilinga vikahi nokweenda nawa mokonda yononkhono valinga.
9 Onthwe twapula ovakulu vatyo, okuti: “Olie wemutuma okutunga ondywo ei, nokumanuhula okutunga otyitanthi etyi?”*+
10 Tupu twapula omanyina avo, mokonda tuhanda okupopila ove hamba, ovalie vekahi komutwe wotyilinga otyo.
11 “Vetukumbulula okuti: ‘Onthwe tuvaumbili va Huku hekulu yeulu nohi, tukahi nokupindula-po ondywo yatungilwe-ale omanima omanyingi o kohale, ina ohamba yo Isilayeli yatungile, aiimane.+
12 Mokonda ovo tate yetu vanumanesile Huku keulu,+ evepakula pomavoko a Nambukondonosole+ omu Kalindeya Ohamba yo Mbambilonia, wahanyene-po ondywo ei,+ atwala ovanthu koupika mo Mbambilonia.+
13 Mahi Silu ankho Ohamba yo Mbambilonia, menima lyo tete lioutumini wae, atumu okupindula-po ondywo ya Huku.+
14 Tupu, Ohamba Silu aipolo ovityuma mondywo yokufendela mo Mbambilonia, vioolu, no vyo palata vyo mondywo ya Huku, vina ankho Nambukondonosole apolele mondywo ya Huku mo Selusalei, evitwala mondywo yokufendela mo Mbambilonia.+ Ovityuma ovio viaavelelwe omulume umwe utiwa o Sesimbasale,*+ una Silu aavelele otyilinga tyokutumina.+
15 Silu emupopila okuti: “Tyinda ovityuma ovio. Enda, vipaka mondywo ya Huku mo Selusalei, ondywo ya Huku itungwe pomphangu apa ankho ikala.”+
16 Ngootyo, Sesimbasale eya, ahimbika okutunga omalisesu ondywo ya Huku+ mo Selusalei; okutuka pononthiki opo atee hono ikahi nokutungwa, mahi nkhele kainepwe.’+
17 “Pahe, ine tyaviuka kohamba, kulingwe omaovololo momikanda mwahonekwa omalumono ovatumini ko Mbambilonia, opo tutale ine Ohamba Silu yatumine umwe okupindula-po ondywo ei ya Huku mo Selusalei;+ ohamba itume omukanda upopia etyi yasoka okulinga.”
Outoi
^ Ine, “okuyauka Ondongi Eufalate.”
^ Ine, “onomphandyi ombu.”
^ Melaka liokonthuko: “Omaiho a Huku yavo ankho ekahi kuvo.”
^ Ine, “kombala yepunda-umbo.”
^ Ine, “onomphandyi ombu.”
^ Hamwe o Solombambele wokwapopiwa mu Esitala 2:2; 3:8.
