Hambakuke 2:1-20
2 Mandyitwalako lutai pomphangu yange yokulava,+Ame mandyikala lutai kombanda yomutala.
Mandyitwalako okulava opo ndyitale etyi manthumu okupopia,Neetyi mandyilingi tyina namaviyulwa.
2 Siovaa ankhumbulula okuti:
“Honeka komavai+ etyi wamona, atyiyandyuluka umwe nawa,Opo tyipepuke* ku una utyitangela peulu.+
3 Mokonda emonekelo eli malifwiswapo mononthiki mbanakwa,Likahi nokukanyaukila konthyulilo yalio,* kamaliponyo.
Nga lisete ñgoo,* twalako okulikevelela!*+
Mokonda malifwiswapo umwe.
Kamalisete!
4 Tala una wokuna omalityindailo;*Mokati kae ha mwoundingaviwa.
Ondingaviwa tyikemupa omwenyo okukakatela motyili.*+
5 Mokonda ovinyu iyondya,Omunthu womalityindailo kametyivili okulinga etyi ahanda.
Etyi ahanda unene tyikahi Ngondyembo;*Ukahi ngononkhia, katuuka.
Utwalako okwongiya ovanthu vovilongo aviho,Utwalako okwongiya ovanthu aveho, vakale vae.+
6 Okuti aveho kamavemupopila onthengele-popia, nomihe, nonondaka mbupwilisa okunoñgonoka?+
Mavati:
‘Una wokuliongiyila omalumono ehe-ae,Una ulipaka monongele ononyingi, ngongo yae!Pahe, atee-pi?
7 Okuti vana vekulevalesa kamavekuuhulukila?
Mavapinduka-po, avekupukumuna nonyengo onene,Avekupundu omalumono ove aeho.+
8 Mokonda ove wapunda ovanthu vovilongo ovinyingi,Ovanthu aveho vokwahupa-po, noove+ mavekupundu.Mokonda waipaa ovanthu ovanyingi,Wahanya ohi,Wahanya omapunda-umbo na vana vakala-mo.+
9 Wokumonena moumphulu aeta meumbo liae,Apake otyiyu tyae peulu,Opo ahupe kononkhumbi, ngongo yae!
10 Ovivi walinga vikundisa eumbo liove.
Mokwaipaa ovanthu ovanyingi, welietela onkhali ove mwene.*+
11 Mokonda emanya limwe motyimato maliliyavela,Keulu liondywo onkhambo aikumbulula.
12 Una wiipaa ovanthu opo atunge epunda-umbo,Apameka epunda-umbo novivi, ngongo yae!
13 Tala! Okuti ha Siovaa womambamba ovita uyeka ovanthu vaundape unene, mahi aviyokwa-po notupia?Hae-ko uyeka ovanthu vovilongo vapesele ononkhono mbavo?+
14 Enoñgonoko liomunkhima wa Siovaa malikeyula kombanda yohi aiho,Ngeetyi omeva eyula melunga.+
15 Una wanumana, nokuna onyengoAavela epanga liae tyokunwa emukolesweOpo atale komapenge ae, ngongo yae!
16 Mokundu unene, kumakala vali nomunkhima.
Noove mopewa tyokunwa omonekesa omapenge ove.*
Noove+ monu kokopo ili kokulio kwa Siovaa,Omunkhima wove maupu mokonda yononkhumbi.
17 Ovivi walinga otyilongo tyo Limbanu, noove ovio molingwa,Otyipuka wahanya ovinyama, noove otyo molingwa,Mokonda waipaa ovanthu ovanyingi,Wahanya ohi,Wahanya omapunda-umbo na vana vakala-mo.+
18 Otyilolo tyanthindwa, tyina ovilinga patyi,Otyipuka tyanthindwa vala nomunthu?
Otyilolo tyotyivela* nomulongesi womatutu, vina ovilinga patyi?Oñgeni omunthu ulinga ovika-huku ovio viahasilivila, ayumba onthumbi muvioNgwe ovipuka viahapopi?+
19 Una upopila otyinthimbu tyomuti okuti: “Pahuka-po!”
Ine upopila emanya lihapopi okuti: “Pinduka-po! Tulongese!” Ngongo yae.
Tala! Ovipuka ovio vialingwa noolu, nopalata,+Aviho vitupu omwenyo.+
20 Mahi, Siovaa uli mondywo yae ikola.+
Ohi aiho itie filuu komaiho ae!’”+
Outoi
^ Ine, “tyihepwiye.”
^ Ine, “kokufwiswapo kwalio.”
^ Ine, “nga tyimoneka ñgoo ngoti tyaseta.”
^ Ine, “tyikevelela nehambu enene.”
^ Ine, “Tala, omunthu weliyumba unene onthumbi.”
^ Ine hamwe, “okukala nonthumbi; okutavela.”
^ Ine, “Seol,” tyihangununa elangalo liovanthu aveho. Tala Onondaka Mbahangununwa.
^ Ine, “momwenyo wove.”
^ Ine hamwe, “otanthauka.”
^ Ine, “otyilolo tyanthilwa.”
