Isaiya 47:1-15
47 Lauka opumphama meheke,Ove mona omukainthu wo Mbambilonia.+
Pumphama pohi pana pehena otyipundi tyoutumini,+Ove mona omukainthu wova Kalindeya,Mokonda ovanthu kamavekekuti vali ove wokwapandwa, wokwengwa-engwa.
2 Kwata emanya liokukunkha, okunkhu ofinde.
Pola-ko elesu.
Lula-mo omihoti viove,* ohikulula ovikalo viove.
Yauka onondongi.
3 Ove mokakala muhoyo.
Omapenge ove maakaholololwa.
Ame mandyikekukondolela,+ kutupu omunthu nawike makanthyilika.*
4 “Omuyovoli wetu,Utiwa o Siovaa womambamba ovitaOe Omukwa-ukola wa Isilayeli.”+
5 Pumphama wahaviele, onyingila menthiki,Ove mona omukainthu wova Kalindeya.+Ove kumakatiwa vali Tatekulu* Yomauhamba.+
6 Nanumanenene ovanthu vange.+
Andyisilisa epingo liange,+Andyivepakula peke liove.+
Mahi ove kwakalele nokankhenda navo.+
Wapaka okanga yalema atee umwe no konombwale.+
7 Ove wati: “Mandyitwalako okukala Omukai Ohamba* apeho.”+
Ovipuka ovio, ove kwevipakele komutima.Ove kwasokele oñgeni ovipuka ovio mavipu.
8 Pahe tehelela ove wokuhole omalia-alia,+Wokwapumphama netuliyo, otyo elipopila momutima wae okuti:
“Ame, ame vala, kutupu vali nawike.+
Ame himakala omuhepe.
Nii himahiwa-po novana vange.”+
9 Mahi ovipuka ovio vivali, mavikuuhulukila vala monthiki ike:+
Okuhiwa-po novana, nokukala omuhepe.
Otyo matyikekumonekela omu yatamo,+Mokonda* yowanga wove, netambu liove enene.+
10 Ove uyumba onthumbi movivi viove.
Oti: “Petupu ou undyiete.”
Ounongo wove nenoñgonoko liove, vikahi nokukuyapula,Otyo ulipopila momutima wove okuti: “Ame, ame vala, kutupu vali nawike.”
11 Mahi motumbukilwa novihuna,Owanga wove, kamauvivili okuvityilika.*
Motumbukilwa novihuna, ove kumevivili okuvityilika.
Mouhulukilwa nehanyu limwe uhenemone nkhele wali.+
12 Mwene twalako nomatambu ove, nowanga wove,+Omu welipaka-le tundee poututu.
Hamwe mwene vikukwatesako.Hamwe utyivila okuhuvisa ovanthu.
13 Ove wepwila nokwovola ovanthu vove ovanyingi vokukupakailamo.
Pahe, vakatuke avekuyovola,Vana vokufenda eulu,* nokutalela kononthungululu,+Vokutalela kohanyi yaviala,Ovipuka mavikekumonekela.
14 Tala! Vekahi ngolwinge.
Mavayokwa notupia.
Kavapondola okuliyovola* komutemo wotupia.
Ngwe hamakala-ko okuunguluka,Nii hatupia-ko twokuyotwa.
15 Kwoove, ongootyo matyikakala ovanthu vove vokwatambula,Vana ukahi nokuundapa navo unene tundee pouna.
Mavakakuva-kuva, atyiti ou uviuka oku, ou uviuka oku.*
Kutupu nawike mekekuyovola.+
Outoi
^ Ine, “osaya yove.”
^ Ine hamwe, “himakahonyenena nomunthu nawike nokankhenda.”
^ Ine, “Omukai Ohamba.”
^ Ine, “Tatekulu.”
^ Ine hamwe, “Namphila una owanga.”
^ Ine, “wahamevili okutaha nowanga wove.”
^ Ine hamwe, “vokutipaula eulu.”
^ Ine, “okuyovola onohande mbavo.”
^ Melaka Liokonthuko: “Atyiti ou wenda no kohika yae, ou wenda no kohika yae.”
