Etyi Tyahonekwa na Luka 3:1-38
3 Menima 15 Timbeliu Sesale eli kovipundi, pweetyi Posiu Pilatu atumina o Sundeya, ou Helonde*+ atumina otyilongo tyo Ngalileya, omukulu wae Filipi atumina otyilongo tyo Ituleya no Talakoniti, etyi Lisania atumina otyilongo tyo Ambilene,
2 pononthiki ovo Anasi na Kaifaa+ ovo ononkhalamutwe mbovanakwa, Huku atumu ondaka ku Swau+ uli moluhandya, Swau omona wa Sakaliya.+
3 Aenda-enda mohika yatyo aiho yo Solondau, otyo apopia ombatisimu movanthu, ombatisimu yenyingilikilo liomunthu welivela apolelwe-po ononkhali,+
4 etyi tyahonekwa momukanda wonondaka mbomuuli Isaiya wati: “Moluhandya mwiivalela omunthu ukalavandya, wiivala okuti: ‘Pendyei ondyila ya Siovaa!* Mulingilei omatapalo ae aviuke.+
5 Omalola aeho ahihilwe, pali onomphunda na apa pali ovipunda palinge onthanthalahi, onondyila mbapenga-penga mbuviuke, mbuna omatoto nambo mbuviuke;
6 ovanthu aveho mavamono eyovo lya Huku.’”*+
7 Ahimbika okupopila ovaunyingi ankho veya kwe evembatisale, eveti: “Onwe vana vonombuta, olie wemuti endei-nkholo onyengo ili nokuya?+
8 Opo naina lingei evi* vilekesa okuti mwelivela. Mwahatiei, ‘Ambalayau onthwe o tate-ale.’ Ame ndyimupopila okuti Huku upondola okutyitula omamanya aa, aalingi ovana va Ambalayau.
9 Onkhava ilangi-ale pehina liomuti. Omiti aviho viahaimi, vina viehe-viovinyango oviwa mavityokwa-po, aviyumbwa motupia.”+
10 Ovanthu ankho vemupula vati: “Pahe opo tulinga ñgeni?”
11 Ngwe eveti: “Ou una ovikutu vivali* tyimwe etyaavele ou wehena, ou una tyokulia nae otyo alinge ngootyo.”+
12 Novatanthi velilimu umwe ankho veya vambatisalwe, avemupulu otyo vati: “Mulongesi, ñgeno tulinga ñgeni?”+
13 Eveti: “Pokutantha* elilimu, mwahayawiseiko.”+
14 Nomaswalali ankho eya aemupulu: “Ñgeno tulinga ñgeni?” Ngwe eveti: “Mwahapombei* tyomunthu nawike, mwahatendeleyei nawike,+ hambukilwei vala etyi mupewa.”*
15 Mwene ankho ovanthu veli-ale nokukevela Kilisitu, pahe ankho tyina vatala ñgana Swau, momutima wavo vati vala: “Ou hae-ko o Kilisitu ou?”+
16 Swau eveungulula aveho ati: “Ame, ame tyange okumumbatisala vala nomeva, mahi, ou uli nokuya omunene vali kwaame, naame hame-ko-ale ndyiitulula ononkhaku mbae.+ Oo, memumbatisala nomphepo ikola, emumbatisala notupia.+
17 Opaa yae yokuyela una-yo peke, mayele otiliku yae, potyipale eikombolola-po umwe aiho, eipake motyimbundu, olu olungu lwatyo eluyumbu motupia twahanyimwa.”
18 Tupu walondolele ovanthu kovipuka ovinyingi, otyo apopia movanthu oviwa ovipe.
19 Helonde omutumini wotyilongo, etyi apopiwa na Swau, kombanda ya Helondiya omukai womukulu wae, novipuka ovikwavo ovivi ankho Helonde alinga,
20 alingi vali otyipuka otyikwavo otyivi tyivandeka ku ovio: Apake Swau mokaleya.+
21 Etyi ovanthu ovo aveho vambatisalwa, Sesusi nae ambatisalwa.+ Pweetyi ngwe elikwambela eulu aliikuka,+
22 omphepo ikola ailauka, aiya no kwe lwopomba, keulu akwiivala ondaka iivala okuti: “Ove Umona wange ndyihole, unthyambukiswa.”+
23 Etyi Sesusi ahimbika ovilinga viae,+ pahe ankho una omanima ehungi 30.+ Ovanthu ankho vemuti omona+wa Susee,Susee omona wa Heli,
24 Heli omona wa Matate,Matate omona wa Levii,Levii omona wa Meleki,Meleki omona wa Sanai,Sanai omona wa Susee,
25 Susee omona wa Matatiya,Matatiya omona wa Amosi,Amosi omona wa Nauu,Nauu omona wa Esili,Esili omona wa Nangai,
26 Nangai omona wa Maate,Maate omona wa Matatiya,Matatiya omona wa Semei,Semei omona wa Soseke,Soseke omona wa Sondaa,
27 Sondaa omona wa Soanaa,Soanaa omona wa Lesa,Lesa omona wa Solombambele,+Solombambele omona wa Sealitiyele,+Sealitiyele omona wa Neli,
28 Neli omona wa Meleki,Meleki omona wa Andi,Andi omona wa Kosaa,Kosaa omona wa Elemandaa,Elemandaa omona wa Ele,
29 Ele omona wa Sesusi,Sesusi omona wa Eliyesele,Eliyesele omona wa Solii,Solii omona wa Matate,Matate omona wa Levii,
30 Levii omona wa Simiyau,Simiyau omona wa Sunda,Sunda omona wa Susee,Susee omona wa Sonaa,Sonaa omona wa Eliyakii,
31 Eliakii omona wa Meleyaa,Meleyaa omona wa Mena,Mena omona wa Matataa,Matataa omona wa Nataa,+Nataa omona wa Ndaviti,+
32 Ndaviti omona wa Sesee,+Sesee omona wa Ombende,+Ombende omona wa Mbowasi,+Mbowasi omona wa Salumoo,+Salumoo omona wa Nasoo,+
33 Nasoo omona wa Aminandambe,Aminandambe omona wa Alini,Alini omona wa Hesiloo,Hesiloo omona wa Pelesi,+Pelesi omona wa Sundaa,+
34 Sundaa omona wa Sakoo,+Sakoo omona wa Isake,+Isake omona wa Ambalayau,+Ambalayau omona wa Tela,+Tela omona wa Naole,+
35 Naole omona wa Selunge,+Selunge omona wa Leuu,+Leuu omona wa Pelenge,+Pelenge omona wa Embele,+Embele omona wa Selaa,+
36 Selaa omona wa Kainaa,Kainaa omona wa Alupasande,+Alupasande omona wa Sei,+Sei omona wa Nowee,+Nowee omona wa Lameke,+
37 Lameke omona wa Metusalei,+Metusalei omona wa Enoke,Enoke omona wa Salete,+Salete omona wa Malaleeli,+Malaleeli omona wa Kainaa,+
38 Kainaa omona wa Enu,+Enu omona wa Sete,+Sete omona wa Andau,+Andau omona wa Huku.
Outoi
^ Ou o Helonde Antipa. Tala Onondaka Mbahangununwa.
^ Tala Ovipuka Viapotoyolwa A5.
^ Ine, “evi Huku ayovola navio.”
^ Melaka Liokonthuko: “Avei ovinyango vilekesa elivelo.”
^ Ine, “otyikutu otyikwavo.”
^ Ine, “pokukongolola.”
^ Ine, “mwahahakanei.”
^ Ine, “ondyambi yenyi.”
