Mikeya 5:1-15
5 “Ove pahe mwene ukahi nokuliteta,Ove punda-umbo ukahi nokulwiswa;Onondyale mbeliseta noonthwe.+
Vaveta nolukava motyipala tyomukoyesi wo Isilayeli.+
2 Ove Mbelei Efalata,+Mututu unene pokati kovanyingi vo* Sundaa,Mwoove mamukatunda ou makalinga omutumini wo Isilayeli,+Wokwatuka komivo vyo kohale, kononthiki mbo kohale-hale.
3 Huku mekeveyeka-po,Atee ononthiki mbomunthu makutula mbuhika-po, akutula.
Onondenge mbae vokwesala-po, mavakakondoka kovanthu vo Isilayeli.
4 Ngwe makakatuka, ononkhono mba Siovaa ambukemukwatesako okunthita,+Nounene wenyina lya Siovaa Huku yae.
Mavakakala tyapama,+Mokonda ounene wae maukehika atee kononthele mbo kokule-kule mbo ohi.+
5 Makaeta ombembwa.+
Ine omu Asilia uya motyilongo tyetu, aliata-liata ovimato vietu viokwapama,+Matukakatula ovanthita epandu-vali, ononkhalamutwe etyinana mbaholovonwa movanthu mbumulwise.
6 Mavakanthita otyilongo tyo Asilia nomutunga,+Notyilongo tya Nilonde+ ponombundi mbatyo.
Meketuyovola ko mu Asilia,+Putyina amalwisa otyilongo tyetu, aliate mohika yetu.
7 Vana mavakahupa ku Sakoo, mavakakala pokati kovanthu ovanyingi,Ngeyombo litunda ku Siovaa,Ngombila onyingi iloka kovifo viofika,Vana vahapake ekevelelo liavo momunthu,Tupu vahakevela movana vovanthu.
8 Vana mavakahupa ku Sakoo mavakakala pokati kovanthu vovilongo,Pokati kovanthu ovanyingi,Ngonkhulika ikahi pokati kovinyama viohika,Ngonkhulika yelilumba* ikahi pokati kotyunda tyonongi,Ilamba, ilwisa, aili;Petupu ou uveyovola.
9 Okuvoko kwove makukakatuka opo utilise onondyale mbove,Onondyale mbove ambuho mambukahanywa-ko.”
10 Siovaa wati: “Monthiki oyo,Mandyikaipaa-ko ononkhambe mbenyi andyikahanyauna-ko omatemba enyi ovilwa.
11 Mandyikahanyauna-ko omapunda-umbo otyilongo tyove,Andyikateya-po ovimato viove aviho viokwapama.
12 Mandyikamana-ko omambali ove unao,*Nawike vali watambula makakala pokati kove.+
13 Mandyikahanya-ko ovilolo vikahi pokati kove nonomphandyi mbove mbukola,Onwe kamamukaikila vali konongolo kovipuka mwalinga nomavoko enyi.+
14 Mandyikatukula pokati kenyi onomphandyi mbenyi mbukola,*+Andyikahanyauna-ko omapunda-umbo enyi.
15 Mandyikahanyauna-ko ovilongo aviho viokuhenthaveleleMandyivihanye-ko nonyengo onene nolunuma.”
Outoi
^ Ine, “komihoko vyo.”
^ Ine, “onkhulika onthutu yatyo.”
^ Melaka liokonthuko: “Unao pomavoko ove.”
^ Tala Onondaka Mbahangununwa.
