Neemiya 3:1-32
-
Vapindula-po ovimato (1-32)
3 Eliyasimbe,+ omunene-nakwa, naava velilandula navo, ovanakwa, avahimbika okutunga Pombundi Yonongi.+ Aveipakula,* aveipake omapito; aveipakula nthele imwe,+ okutuka Ketala liomuyungi lyo Meaa+ atee Ketala liomuyungi lyo Hananeli.+
2 Ovalume vo Selikoo+ avatungu onthele yalandula-ko; Sakule, omona wa Inili, atungu onthele yalandula ku oyo.
3 Ovana va Hasenaa avatungu Ombundi Yombisi;+ avapake-po omiti omu mukwatela omavai,+ avapake-po omapito, nomihingo, nomakumba.
4 Melemote+ omona wa Uliyasi, Uliyasi omona wa Hakosi aviukisa onthele yalandula-ko; Mesulau+ omona wa Mbelekiya, Mbelekiya omona wa Mesesambele aviukisa onthele yalandula-ko ku oyo; Sandoke omona wa Mbaana aviukisa onthele yalandula-ko.
5 Ova Tekowa avaviukisa onthele yalandula-ko,+ mahi ovanthu vavo vokwankhimana avehetavela okwendela movitumino* viononkhalamutwe tyina vaundapa motyilinga otyo.
6 Soyanda omona wa Paseya, na Mesulau omona wa Mbesondeya avaviukisa Ombundi Yepunda-umbo Ekulu;+ avapake-po omiti omu mukwatela omavai, avapake-po omapito, nomihingo, nomakumba.
7 Melatiya omu Simbeau,+ na Sandoo omu Melonote, ovalume vo ko Simbeau no ko Misipaa+ vatuminwa nomutumini*+ wotyilongo tya Himba lina Ondongi,* avaviukisa onthele yalandula-ko.
8 Usiyeli omona wa Halaiya, umwe pu ava vaundapaile noolu, aviukisa onthele yalandula-ko; Hananiya umwe pu vana valinga omilela viokunika nawa,* aviukisa onthele yalandula-ko; avapake omamanya* mo Selusalei atee Kotyimato Tyokwahandyuka.+
9 Lefaiya omona wa Huli, omutumini wa nthele imwe yotyilongo tyo Selusalei, aviukisa onthele yalandula-ko.
10 Sendaiya omona wa Halumafe, aviukisa onthele yalandula-ko, komutwe weumbo liae; Hatusi omona wa Hasambineya, aviukisa onthele yalandulako.
11 Malikiya omona wa Halii,+ na Hasumbe omona wa Paate-Moambe,+ avaviukisa onthele onkhwavo,* Netala Liomuyungi Lionofolono.+
12 Saluu omona wa Halowesi, omutumini wa nthele imwe yotyilongo tyo Selusalei, aviukisa onthele yalandulako kumwe novana vae ovafikwena.
13 Hanuu novanthu vakala ko Sanowa,+ avaviukisa Pombundi Yomulola;+ veitunga, aveipake omapito, nomihingo, nomakumba. Tupu avaviukisa otyimato onokovandu 1.000* atee Kombundi Yovipunda Vietwe.+
14 Malikiya omona wa Lekambe, omutumini wa nthele imwe yotyilongo tyo Mbete-Hakelei,+ aviukisa Pombundi Yovipunda Vietwe; weitunga, eipake omavai, nomihingo, nomakumba.
15 Salume omona wa Kolohose, omutumini wotyilongo tyo Misipaa,+ aviukisa Pombundi Yondyivi-ndyivi;+ watunga ombundi, ayambela, eipake omavai, nomihingo, nomakumba. Tupu aviukisa otyimato tyo Petangi Liomukungu,+ popepi Nepia Liohamba,+ atee Konondondelo+ mbokutuluka Kepunda-umbo lya Ndaviti.+
16 Neemiya omona wa Asimbuke, omutumini wa nthele imwe yotyilongo tyo Mbete-Sule,+ aviukisa onthele yalandula-ko, okuhimbikila komutwe Weendo Liohamba Ndaviti+ atee petangi liatungwa novanthu,+ aviukisa atee Pondywo Yomanene Atyo.
17 Vomuhoko wa Levii, valulikwa na Leuu, omona wa Mbani, avaviukisa onthele yalandula-ko; Hasambiya omutumini wa nthele imwe yotyilongo tyo Keila,+ aviukisa onthele yalandula-ko ina okuviukiswa novanthu votyilongo tyae.
18 Vana elilandula navo, valulikwa na Mbavai omona wa Henandande, omutumini wa nthele imwe yotyilongo tyo Keila, avaviukisa onthele yalandula-ko.
19 Esele omona wa Sesuwa,+ omutumini wo ko Misipaa, aviukisa onthele yalandula-ko, komutwe wondondelo Yondywo Yomauta, popepi Nondyako.+
20 Mbaluke omona wa Sambai,+ waundapa nombili, aviukisa onthele yalandula-ko, okuhimbikila Kondyako atee kombundi yondywo ya Eliyasimbe,+ omunene-nakwa.
21 Melemote+ omona wa Uliyasi, Uliyasi omona wa Hakosi, aviukisa onthele yalandula-ko, okuhimbikila kombundi yondywo ya Eliyasimbe atee kuna yavitukila.
22 Ovanakwa, ovalume vakala kotyilongo tyo Solondau,*+ avaviukisa onthele yalandula-ko.
23 Mbesamii na Hasumbe avaviukisa onthele yalandula-ko, komutwe wondywo yavo. Asaliya, omona wa Maaseya, Maaseya omona wa Ananiya aviukisa onthele yalandula-ko, popepi nondywo yae.
24 Mbinwi omona wa Henandande, aviukisa onthele yalandula-ko, okupolelela kondywo ya Asaliya atee Pondyako,+ aviukisa atee pevindi liotyimato.*
25 Palali omona wa Usai, aviukisa onthele yalandula-ko, popepi Nondyako, komutwe womutala wo Pondywo yo keulu Yohamba,*+ ikala Pepata Liovayungi.+ Pendaiya omona wa Pateesi, aviukisa onthele yalandula-ko.+
26 Ovaundapi vo mondywo ya Huku*+ vakala ko Ofeli,+ avaviukisa atee Pombundi Yomaande,+ okweenda no koutundilo, popepi netala liomuyungi limoneka vali.
27 Ova Tekowa+ avaviukisa onthele yalandula-ko, okuhimbikila petala enene liomuyungi limoneka vali atee kotyimato tyo Ofeli.
28 Ovanakwa avaviukisa onthele yo keulu Kombundi Yononkhambe,+ omunthu na munthu avikisa komutwe wondywo yae.
29 Sandoke+ omona wa Imele, aviukisa onthele yalandula-ko komutwe wondywo yae.
Semaiya omona wa Sekaniya, omuyungi wo Kombundi yo Koutundilo,+ aviukisa onthele yalandula-ko.
30 Hananiya omona wa Silemia, na Hanuu omona wa pandu wa Salafe, avaviukisa onthele yalandula-ko.
Mesulau+ omona wa Mbelekiya, aviukisa onthele yalandula-ko komutwe wondywo yae.
31 Malikiya, wotyikundyi tyovaundapi voolu, aviukisa onthele yalandula-ko, atee kondywo yovaundapi vo mondywo ya Huku*+ noyo vonondando, ikala popepi Nombundi Yokuyunga, aviukisa atee pondywo ikala peulu pevindi liotyimato.*
32 Ovaundapi voolu no vonondando avahimbikila okuviukisa pondywo ikala peulu pevindi liotyimato,*+ atee Pombundi Yonongi.
Outoi
^ Ine, “aveiyaave.”
^ Melaka Liokonthuko: “avahaeta ominyino viavo kotyilinga.”
^ Ine, “okuyauka Ondongi Eufalate.”
^ Melaka Liokonthuko: “Ovo tyipundi tyoutumini.”
^ Ine, “vana vahonyeka omilela viokunika nawa.”
^ Ine, “avapake-po pohi yatyo omamanya.”
^ Ine, “onthele yaelekwa.”
^ Onometulu mbuhungi po 445. Tala Ovipuka Viapotoyolwa B14.
^ Ine hamwe, “otyilongo tyopopepi.”
^ Ine, “ponthomba yotyimato.”
^ Ine, “Mombala Yohamba.”
^ Ine, “Ova Netineu.” Melaka Liokonthuko: “Vana vaawa.”
^ Ine, “Ova Netineu.” Melaka Liokonthuko: “Vana vaawa.”
^ Ine, “ponthomba yotyimato.”
^ Ine, “ponthomba yotyimato.”
