Omihe 10:1-32
10 Evi omihe vya Salomau.+
Omona wonondunge uhambukiswa he,+Mahi omona otyova unumanesa ina.
2 Oumphulu, utupu oku ukutwala,Mahi una ulinga oviwa uyovoka kononkhia.+
3 Siovaa kamayeke ondingaviwa* ankhie nondyala,+Mahi ava onondingavivi kamevepe etyi vapeleya.
4 Omavoko ondende ahepesa,+Aa omavoko onduvia aeta ouhona.+
5 Omona watonkhoka, pokuteya nae uteya,Ou omona wokukundisa, no pokuteya ulala.+
6 Komutwe wovaviukisi kuna oviwa,+Ou omulungu wekongombanda uholeka etyi tyili mokati kalio.
7 Ondingaviwa makahinangelwa,* akapewa oviwa,+Mahi enyina lionondingavivi malikavomba-ko.+
8 Womutima omunongo okulongwa utavela,*+Mahi una upopia evi viahai-na-mutwe makaliatwa-liatwa.+
9 Una ukakatela motyili makakala nawa, ahakalinga otyiho,+Mahi una utyopola otyili mwene haa mamoneka-le.+
10 Una uteyela vakwavo keiho ahinde ovivi, weeta ononkhumbi,+Una upopia evi viahai-na-mutwe makaliatwa-liatwa.+
11 Omulungu wovaviukisi ondyivi-ndyivi yeeta omwenyo,+Ou omulungu wekongombanda uholeka etyi tyili mokati kalio.+
12 Oundyale weeta onondwa,Olu olwembia luliatela kovivi lulingwa.+
13 Momulungu wa una ukonkhenya nawa ovipuka muvasiwa ounongo,+Olu olukava kamalukambe komwongo wo vokwehena onondunge.*+
14 Ovanongo vapaka enoñgonoko komutima,+Ou omulungu weova ulieetela.+
15 Omuhona* olumono lwae olo epunda-umbo liae ahupila.
Ou omuhepi oluhepo lwae lumweetela.+
16 Wokulinga oviwa, oviwa alinga vimupa omwenyo.Ou ondingavivi, ovivi alinga vimupa onkhali.+
17 Una utavela okulongwa uli mondyila* imupa omwenyo,Ou hiviyaulwa uvombesa vakwavo.
18 Womaandambeyo ukemba,+Ou wovityapi* otyova.
19 Pokupopia unene kapakambe ondaka ombi,+Mahi una uyunga omilungu viae, ulinga ovipuka nounkhengela.+
20 Elaka lyo wokulinga oviwa likahi ngopalata ongwa yatyo,+Ou omutima wondingavivi kausilivila.
21 Kondaka itunda momulungu wondingaviwa kulia* ovanthu ovanyingi,+Ava ovahima, tyivepumbwiswa komwenyo okuhena kwavo onondunge.+
22 Okuyambwa na Siovaa otyo tyieta ouhona,+Katyikupe onongembia* na kapii vala.
23 Omunthu womuhima uhole evi vikundisa, muvio omo atalukwa,Mahi ou wokukonkhenya, oe omunongo.+
24 Etyi ondingavivi itila owoma, otyo umwe tyiya tyiilia.Ava onondingaviwa etyi vahanda veketyipewa.+
25 Onondingavivi mavakavomba, mavakavombako umwe uti vala ovipuka viaya nombila yomphepo,+Mahi una uviukisa, wafwa oluhi lwapama lwahavu.*+
26 Okutuma omunthu wananga tyiihama,Uti vala ouñge momayo, uti vala omwihi momaiho.
27 Okutila owoma Siovaa tyipa omunthu omwenyo omule,+Mahi omanima ondingavivi maakatetwa.+
28 Onthumbi yovaviukisi ivitukila kehambu,+Mahi onthumbi yonondingavivi maipeseka vala.+
29 Mondyila ya Siovaa omo muhupila una ukakatela motyili,+Mahi maikahanyesisa-ko onondingavivi.+
30 Onondingaviwa kavatoko,+Mahi ava onondingavivi kombanda yohi kavakakala-ko vali,+
31 Momulungu womuviukisi mutunda* ounongo,Mahi elaka liasila malikahanywa-ko.
32 Omilungu viovaviukisi, tyihambukiswa vityii,Mahi omulungu wondingavivi wasila.
Outoi
^ Ine, “ohande yondingaviwa ikale.”
^ Ine, “evi omuviuki alinga mavikahinangelwa.”
^ Melaka Liokonthuko: “Ovitumino.”
^ Melaka Liokonthuko: “Omutima.”
^ Ine, “otyipuka otyiwa tyomuhona.”
^ Ine hamwe, “uli mondyila.”
^ Ine, “ovati-vati.”
^ Ine, “vihongolela.”
^ Ine, “otyitateka; ononkhumbi.”
^ Ine, “ehina liapama.”
^ Ine, “wiima otyinyango tyounongo.”
