Omihe 15:1-33
15 Okukumbulula nomapole* onyengo itula,+Mahi ondaka itoma* inkhindula onyengo.+
2 Elaka liovanongo lipopia etyi lii,+Mahi momulungu womaova, mulongomoka vala owova.
3 Omaiho a Siovaa etupu apa eheete,Atala nawa eete umwe vokulinga ovivi no vokulinga oviwa.+
4 Elaka liahiliya,* omuti upa ovanthu omwenyo,+Mahi ondaka yahaviukile, iihama.*
5 Omuhima kesuku neetyi tyimulonga he,+Mahi omunthu wokwalunguka uviyulwa* etavela.+
6 Meumbo liomuviukisi, muna olumono olunyingi,Mahi kovilinga viondingavivi* kutuka ovitateka.+
7 Omilungu viovanongo vihahanesa enoñgonoko,+Mahi omutima wovahima otyo kautyilingi.+
8 Otyilikutila tyonondingavivi Siovaa utyitoya,+Mahi elikwambelo lionondingaviwa limuhambukiswa.+
9 Siovaa, ondyila yondingavivi imutoyesa,+Mahi uhole ou ulipaka mo viokwaviuka.+
10 Wokwayapuka mondyila, okupakelwa-mo uti nalewa,*+Mahi ou uyele okuviyulwa, makankhia.+
11 Ine ava veli Kondyembo* naava veli mehanyauno Siovaa uveete,*+
Ya pahe etyi tyili momitima viovanthu!+
12 Omunthu womutomba, umuviyula* kemuhande.+
Womutomba kaende povanongo.+
13 Omutima okuhambukwa, notyipala tyilaima,Mahi omutima okwihamenwa, tyipola omunthu ononkhono.+
14 Omutima wekungunyiko utaindya enoñgonoko,+Mahi omulungu womuhima ulipaka* vala mouhima.+
15 Wokweihamenwa utupu-ale ononthiki ati hahe ambuho onombi vala.+Mahi womutima wahambukwa,* apeho una otyipito.+
16 Hahe vali okapii ohulu kokutila owoma Siovaa,+Tyipona otyinyingi okalaila vala otyiho.*+
17 Hahe vali apa paliwa onombi, peliholwe,+Tyipona apa paliwa ongombe yanina* mahi peliyelwe.+
18 Omunthu wokunumana liwa, weeta omalwei,+Mahi omunthu wokwahanumana liwa, woondweya omalwei.+
19 Ondyila yomunangi uti vala ongandyo yomakete,+Mahi ondyila yomuviukisi ondyila yaviuka nawa.+
20 Omona wonondunge uhambukiswa he,+Mahi omuhima watomba ina.+
21 Ouhima uhambukiswa wokwehena onondunge,*+Mahi wekungunyiko, mondyila yaviuka katundu.+
22 Pehena etompho,* omphango ilingwa-po itokela pohi,Mahi povaika-ndunge* ovanyingi, ovipuka viviuka.+
23 Omunthu okukumbulula nawa uhambukwa,*+Ei ondaka, ilinga ongwa okwipopia momuvo waviuka!+
24 Ondyila yomwenyo itwala peulu wekungunyiko,+Imuhondovole Kondyembo.*+
25 Siovaa makahanya-po eumbo lyo vokulipaka-ko,+Mahi makayakulila ofika yomuhepe.+
26 Onomphango mbondingavivi, Siovaa mbumutoyesa,+Mahi Kwe, onondaka onongwa ombo mbuna mbasukuka.+
27 Ou umonena moumphulu weetela* eumbo liae,+Mahi ou uyele okulipumwa-po, matwalako nomwenyo.+
28 Omutima wondingaviwa nkhele usoka, kautumphuluka nondaka,*+Mahi omulungu wonondingavivi, uhatula vala evi viahatiwa ovievi.
29 Siovaa uli kokule nonondingavivi,Mahi elikwambelo liovaviukisi ulitehelela.+
30 Okutala omunthu nehambu tyihambukiswa omutima.Okwiiva otyiwa tyipameka* omankhipa.+
31 Ou uviyulwa etavela, ou utavela onondaka mbomwenyo,Utungila peke novanongo.+
32 Ou uti hilongwa uyele omwenyo,*+Mahi ou uviyulwa etavela, ukungunyika ovipuka.*+
33 Okutila owoma Siovaa, tyipa omunthu ounongo,+Kokulikondola koututu kulandula okupakwa kounene.+
Outoi
^ Ine, “iihama.”
^ Ine, “nondaka yavova.”
^ Ine, “liokuhakula.”
^ Melaka Liokonthuko: “Yoonya-onya omphepo.”
^ Ine, “upakailwa-mo.”
^ Ine, “olumono lwondingavivi.”
^ Ine, “okulingwa onya.”
^ Tala Onondaka Mbahangununwa.
^ Ine, “no Ambandon.”
^ Ine, “umupakaila-mo.”
^ Ine, “woovola.”
^ Ine, “ukahi nawa.”
^ Ine, “onondyaya.”
^ Melaka Liokonthuko: “Ilila momutemba.”
^ Melaka Liokonthuko: “Wehena omutima.”
^ Ine, “pehelipakailwa-mo.”
^ Ine, “povalondoli.”
^ Melaka Liokonthuko: “Uhambukilwa ekumbululo liomomulungu wae.”
^ Tala Onondaka Mbahangununwa.
^ Ine, “ukundisa.”
^ Ine, “utala nawa etyi mapopi; usoka tyina nkhele ehenepopie.”
^ Melaka Liokonthuko: “Ininisa; Ivondokesa.”
^ Ine, “ohande.”
^ Melaka Liokonthuko: “Nomutima.”
