Omihe 24:1-34
24 Konondingavivi wahatemeko,Wahalinge otyindywe, oenda-enda navo.+
2 Tyili momitima viavo oufwanga vala,Momilungu viavo mutunda vala ovivi.
3 Ounongo oo utunga eumbo,*+Ombu onondunge ambulipameka.
4 Menoñgonoko ovitunge aviho viyula,Ovipuka oviwa vihambukiswa.+
5 Omunthu omunongo oe una ononkhono,+Ou wenoñgonoko, enoñgonoko limupa vali ononkhono.
6 Pokwenda movilwa, enda povanongo vekupakaile-mo,*+Povaika-ndunge* ovanyingi ovipuka viviuka.*+
7 Komuhima ovipuka aviho kavivilwa-le.+Omuhima, kombundi yepunda-umbo kapopi natyike.
8 Una upanga ovivi,Makatiwa omunongo wokupanga ovivi.+
9 Onomphango mbouhima mbupa omunthu onkhali.Womutomba ovanthu kavemuhande.+
10 Onthiki yovitateka* wahasoye,Ine usoya mokambe ononkhono.
11 Yovola vokuhungi kononkhia.Hukulula vana vekahi nokutenga-tenga, vaya vakaipawa.+
12 Wahaholeke, oti: “Onthwe katutyii!”
Okuti utala nawa momitima* ehetyinoñgonoka?+
Wokukwii nawa,* kumemuholeka-le, metyinoñgonoka,Munthu na munthu mekemulinga etyi tyata movilinga viae.+
13 Mona wange, liaa owiki, owiki ukahi nawa.Owiki woviteme uhoholola nawa.
14 Noñgonoka okuti ounongo hahe vali.*+
Okukala omunongo, komutwe wandyila ukahambukwa,Etyi ukevelela tyikalingwa.+
15 Wahalinge ngekongombanda, oundu peumbo liomuviukisi.Wahahanye-po eumbo liae apululukilwa.
16 Ondingaviwa upondola okutoka-toka, mahi ngatoko atyikavasa pepandu-vali, upinduka-po,+Mahi ava onondingavivi okumona ovihuna vatoka umwe.+
17 Wahatie tyina wamona ondyale yove yatoka, oyolo,Ondyale yove okulipunduka wahayolele momutima.+
18 Wahalinge ngootyo, Siovaa okutyimona manumana,Pahe ove manumanena, ondyale yove eiyeke.+
19 Wahanumanene* vokulinga ovivi.Wahatemeko konondingavivi.
20 Wahatemeko-ale, ondingavivi itupu-ale oku mayiende.+Otyimimi tyonondingavivi matyinyimwa.+
21 Mona wange, tila owoma Siovaa, tila ohamba,+
Wehelipake kumwe nonomphuki,*+
22 Ovihuna mavikeveendela avivehupula omapita.+
Ovo vevali,* etyi mavevelingi olie utyii?+
23 Onondaka ombu nambo ombovana-ndunge:
Okapungulula momphela hakawa.+
24 Una upopila ondingavivi okuti: “Ove uviukisa,”+
Otyilongo matyimuteyela onkhano, ovanthu aveho avemuyale.
25 Mahi vana vaviyula ondingavivi mavakaviuka.+Mavakamona oviwa.+
26 Ovanthu mavakahipa ombesu komilungu vya una upopia umwe etyi tyili komutima.*+
27 Nkhele mana ovilinga viove, kepia pwa-ko umwe.Pahe opilukila eumbo* liove.
28 Wehelipake poumbangi ohena etyi wii.+
Wahayondye vakwenyi nomilungu viove.+
29 Wahatie: “Etyi andinga naame otyo mandyimulingi.Mandyimulingi umwe etyi andinga.”+
30 Nakwata mepia lyo wokwananga,+Motyitaka tyomiti vionouva tyomunthu wehena onondunge,*
31 Tala, otyipuka liapita neholi hatyitutu,Mweyula vala ovifo,Ongandyo yatyo yawa-po ngwe ankho oyomamanya-vo.+
32 Natala umwe ñgana pahe andyisoko.Otyo namona otyo, andyilondokela-ko,* andyiti:
33 Ine uti olala-po katutu opoila-po katutu,Olikwate-po katutu omukondo upululukwe,
34 Oluhepo lukweendela umwe lwekongombanda,Epene malikweendela umwe lwomulume wamaneka!+
Outoi
^ Ine, “otyikumba.”
^ Ine, “ewa.”
^ Ine, “ovaviyuli.”
^ Ine, “pakala eyovo.”
^ Ine, “pomuvo wononkhumbi.”
^ Ine, “etyi tyilunda omunthu.”
^ Ine, “wokutala nawa ohande yove.”
^ Ine, “ounongo uhoholola kohande yove.”
^ Ine, “wahatumbe ombungo.”
^ Ine, “na vana vahanda ovipuka vipiluluke.”
^ Ovo vevali, o Siovaa nohamba.
^ Ine hamwe, “okukumbulula nawa, ongokuhipa ombesu.”
^ Ine, “ombunga yove.”
^ Melaka Liokonthuko: “Wehena omutima.”
^ Melaka Liokonthuko: “Andyitavela okulongwa.”
