Onombalulo 24:1-25
24 Etyi Mbalaau atala okuti Siovaa mahande vala* okupa elao ova Isilayeli, ahaovola vali okutalesa.+ Apiluluka, atale moluhandya.
2 Pahe Mbalaau alingi ngoti utala peulu, ukati ñgaa, ova Isilayeli veli nokwoonga onthanda omu velikalailila, omihoko nomihoko.+ Omphepo ya Huku, aimweendela.+
3 Apopi omihe, ati:+
“Ei, ondaka ya Mbalaau omona wa Mbeole,Ondaka yomulume waikulwa omaiho,
4 Ondaka ya una wiiva etyi Huku apopia,Una wamona Wokuvila Atyiho,Ulipetamena-po tyahikululwa komaiho:+
5 Onohinge mbove onongwa, Sakoo!Omakaka ove omawa, Isilayeli!+
6 Ekahi ngomilola vilitwala-twala, viaya kokule,+Ekahi ngononthemo mbuli ponthele pondongi,Ekahi ngomandombo atwikwa na Siovaa,Ekahi ngomiti omisendulu vili pomeva.
7 Monombaliti mbae onombali mbombandwa omaande ahamphiauka-mo,Ombuto yae* maikunwa pomaande omanyingi.+
Tupu, omunthu makala ohamba yae,+ makala omunene, wapona pu Angange,+Ouhamba wae, maukulamekwa.+
8 Huku oe wevepola ko Isitu, oku veli nokutunda.Huku oe ombinga yavo, ikahi ngo yongombe onthwei yohika.
Mali-po ovanthu vovilongo, onondyale mbavo.+Makunkhulula omankhipa avo, ekeveteya-teya nonohevo mbae.
9 Ngwe uupa-po, alangala-po ngonkheyama,Tyina akala ngonkheyama, olie melipe ovipuka okumupindula-po?
Ava vemupeleyila elao, vamona elao,Ava vemutela onkhano, vatelwa onkhano.”+
10 Pahe Mbalake, ankhila ononyengo Mbalaau. Mbalake apumu peke tyokwanumana, apopila Mbalaau, ati: “Ame nekwihanena+ okuya okutela onkhano onondyale mbange, mahi pahe, ñgaa eli otatu ove uli nokuvepa elao.
11 Pahe kondoka keumbo liove. Ame nahandele umwe okukuyamba,+ mahi pahe tala! Siovaa wekupumbiswa ondyambi.”
12 Mbalaau akumbulula Mbalake, ati: “Ame ovatumwa-ndaka vove, hevepopilile-ale okuti:
13 ‘Mbalake nga amphe umwe ondywo yae yeyula opalata, noolu, himalingi natyike kohalwange,* tyilinge otyiwa, tyilinge otyivi. Hilingi natyike nahatuminwe na Siovaa. Mandyipopi vala etyi Siovaa amapopi’?+
14 Ame pahe mandyeende kovetu. Tyina nkhele nehenekatuke ndyende, tala! Ndyikupopile etyi ovanthu ovo mavakalinga ovanthu vove komutwe wandyila.”*
15 Apopi omuhe, ati:+
“Ei ondaka ya Mbalaau omona wa Mbeole,Ondaka yomulume wahikululwa komaiho,+
16 Ondaka ya una weiva onondaka Huku apopia,Una una enoñgonoko Liomukulami,Una wamona Wokuvila Atyiho,Wemumona etyi elipetamena-po, komaiho ae akuhikululwa.
17 Ame mandyikemumona, mahi ha pehepano,Ame mandyikemutala, mahi nkhele kwakamba.
Mu Sakoo mamukatunda onthungululu,+Mu Isilayeli+ mamukatunda omphangoti.+
Maikavambula pokati omphomo ya Moambe,*+Notyikola tyomutwe wovita aviho viokuna onya.
18 O Endoo maikakala epingo,+O Seili+ maikakala epingo lionondyale mbavo,+Ngwe oku o Isilayeli, aikakala vali nononkhono ononene.
19 Mu Sakoo mamukatunda umwe makatumina,+Makaipaa aveho vamahupu mepunda-umbo.”
20 Etyi amona Amaleke, atwalako nokupopia omuhe, ati:
“Amaleke wali wo tete povanthu aveho vovilongo,+Mahi haa, makahanyaunwa-ko.”+
21 Etyi amona ova Keneu,+ atwalako okupopia omuhe, ati:
“Eumbo liove lili mombembwa, ondywo yove ili monkhanda yapama.
22 Mahi pena umwe mayumbu ekundungala liotupia, ova Keneu avapila-mo.
Onalupi ova Asilia mavatwalwa koukonde?”
23 Atwalako okupopia omihe evi, ati:
“Tatiei! Olie pahe mahupu tyina Huku amalingi ngootyo?
24 Makuya onombapolo, mambutundu molukomo lwo Kitii,+Ambumonesa ononkhumbi o Asilia,+Ambumonesa ononkhumbi o Embele.
Mahi nayo maikahanywa-po aiho.”
25 Pahe Mbalaau+ aende, akondoka. Ou Mbalake, nae aende nondyila yae.
Outoi
^ Melaka Liokonthuko: “Tyaviuka vali komaiho ae.”
^ Ine, “makatuka.”
^ Melaka Liokonthuko: “Mandyipolo vala momutima wange.”
^ Ine, “kombitukilo yononthiki.”
^ Ine, “povihinakutwe viomutwe wa Moambe.”