Oseya 2:1-23
2 “Popilei ovakwendye mulikwai navo okuti: ‘Vanthu vange!’*+
Ovahikwena mulikwai navo, vepopilei okuti: ‘Ove mukai wokwalingilwa okankhenda!’*+
2 Tendeleyei nyoko, mutendeleyei,Mokonda ngwe ha mukai+ wange-ko, ame himulume wae-ko.
Una yokuyeka-po okukala ekunga,*Pokati komavele ae apole-po oumbalehi.
3 Mokonda ankho kamulingi ngootyo, mandyikemulula omatati ae, akala muhoyo ngo ponthiki atyitwa.Mandyikemukalesa oluhandya,Akakala otyilongo tyehena omaande,Andyikemwipaa nohunga.
4 Himakakala nokankhenda novana vae,Mokonda ovana voukunga.*
5 Mokonda ina yavo walinga oumbalehi.*+
Una wevekutula walinga otyipuka tyikundisa,+ mokonda wati:‘Mandyikaovola onombalehi mbange,+Vana vokumpha ombolo nomaande,Novikutu, nomulela, novikunwa.’
6 Mokonda yotyo, mandyikahondya onondyila mbae nongandyo yomakete,Mandyikatunga otyimato tyomamanya tyimutyilika,Opo ahakavase onondyila mbae.
7 Makahatekela monyima yonombalehi mbae mahi kamekembuvasa,+Mekeveovola mahi kamekevemona.
Konyima makapopia okuti: ‘Mandyikondoka komulume wange,+Mokonda ankho ndyikahi vali nawa tyipona pehepano.’+
8 Walimbwako okuti ame nemwavailile ovilia+ novinyu, nomulela,Ame nemupele opalata onyingi,Noolu vaundapele nayo mefendelo lya Mbaale.+
9 ‘Mandyikondoka andyimupolo ovilia viange vyo pomuvo wokuteya,Novinyu yange yo pononthiki mbokunyunga,+Mandyimupolo ovikutu viange ankho vimufika ahakale muhoyo.
10 Pahe mandyilekesa omapenge ove konombalehi mbove,Petupu omunthu nawike mekekuyovola pokuvoko kwange.+
11 Mandyikamana-ko ehambu liae aliho,Novipito viae,+ nonohanyi mbae mbaviala, novityasapalo viae, novipito viae aviho.
12 Mandyikahanyauna omiti viae vionouva nomikuyu viae, vina apopia okuti:
“Oyo ofeto napewa nonombalehi mbange.”Mandyikevikalesa otyiteta,Ovinyama viomofika avikevilia-po.
13 Mandyikemukoyesa mokonda yononthiki alingila ovilikutila ovilolo vya Mbaale,+Pweetyi elihiwiswa nonombilingu mbae novipuka viae oviwa, opo akaovole onombalehi mbae,Kwaame walimbwa-ko,’+ o Siovaa wetyipopia.
14 ‘Mandyikemuhindila,Andyikemutwala koluhandya,Mandyikapopia etyi tyihika komutima wae.
15 Okutuka opo mandyikemukondolela omapia ae omiti vionouva,+Mandyikakalesa Evota* lya Akole+ ombundi yekevelelo,Opo ngwe mekenthavela ngo pomanima ouhikwena wae,Ngo monthiki atunda kotyilongo tyo Isitu.’+
16 Siovaa wati: ‘Monthiki oyoMokanthi mulume Wange, kumakanthi vali tatekulu Yange.’*
17 ‘Mandyikapola momulungu wae omanyina ovilolo vya Mbaale,+Omanyina avio kamaakahinangelwa vali.+
18 Monthiki oyo mandyikevelingila omphango novinyama vyo mohika,+Noviila vyo meulu, novinyama viokulikoka.+Mandyikayovola otyilongo etyi konkhondyi no komutunga no kovilwa.+Mandyikevekalesa nomwenyo wapama.*+
19 Ove mokakala omuhikwena wange atee-tee.Mokakala omuhikwena wange mouviuki,Nolwembia olunene nokankhenda.+
20 Mokakala omuhikwena wange moukwatyili,Tyotyili mokanoñgonoka Siovaa.’+
21 Siovaa wati: ‘Monthiki oyo, ame mandyikakumbulula,’‘Mandyikakumbulula omaulu,Oo maakakumbulula eheke;+
22 Eheke malikakumbulula ovilia novinyu, nomulela,Ovio mavikakumbulula Sesiliyeli.*+
23 Ame mandyikemukuna opo akale wange keheke,+Mandyikakala nokankhenda na una nahakalele nokankhenda nae.*Mandyikapopila vana vehe vanthu vange okuti: “Onwe muvanthu vange,”*+
Ngwe mavakati: “Ove, ove Huku yetu.”’”+
Outoi
^ Ine, “omaumbalehi; omaundalela-po.”
^ Ine, “vomaumbalehi; vomaundalela-po.”
^ Ine, “welipaka moundalelapo.”
^ Ine, “Elola, Embota.”
^ Ine, “Mbaale Yange.”
^ Ine, “mandyikevelalesa nepamo.”
^ Tyihangununa okuti: “Huku Makakuna.”