Otyiimbo tya Salomau 7:1-13
7 “Tala onomphai mbomuhikwena omuwa mbuli mononkhaku,Muhikwena omuwa, omulenga!
Ovitumbo viove, uti vala vialingilwa omahiwe,Viakwata pomavoko onkhulungu.
2 Onkhopa yove, ikahi ngokopo yavolongwa nawa,
Okopo yahakambe ovinyu yanyungwa nawa.
Eimo liove ewa, uti vala onthumbo yotiliku,Onthumbo yotiliku ili pokati kononthemo.
3 Omavele ove, uti vala oviketa viombambi vivali,Uti vala oviketa viomenye viatyitwa vivali.+
4 Omunyino wove,+ uti otyimato tyomayo ondyamba,+
Omaiho ove,+ uti omaande omomaiva oko Hesimboo,+Omaiva eli pombundi yo Mbate-Lambii,
Eli eyulu liove, liafwa otyimato tyo ko Limbanu,Otyimato tyapilukila ko Ndamasiku.
5 Omutwe wove, wafwa omphunda yo Kalumelu,+Onohuki mbove,*+ uti vala onongoi mbotyivala tyonkhula.+
Ohamba okumona vala onohuki mbove mbuyemba-yemba, kayeende vali.*
6 Ove umuwa, uteya omutima,Mukainthu wange, ove umuwa vali kovipuka aviho oviwa!
7 Ove wakaviuka ngomundende,Omavele ove, uti vala otyimpha tyovinyango viomulunga.+
8 Ame nati: ‘Mandyilondo komundende,Nkhanyange-ko ovinyango.’
Omavele ove, akale ngotyimpha tyonouva,Momulungu wove munike nawa, munike ngomapelu,
9 Munike* nawa, ngovinyu yokupepa vali.”
“Omukwendye wange imukuluke nawa,Ikasese nawa komilungu, aipe ovanthu olumphoki.
10 Ame, ndyi-womukwendye wange,+Ame vala ahanda.
11 Endyu mulenga wange,Endyu tukaende-ende kondye oko.Twende tukaombele movinkhondo.*+
12 Tupinduke-po komuhuka-huka, twende kepia liomiti vionouva,Tukatale ankho omiti vionouva viapapula,*Tukatale ankho viatema,+Tukatale ankho omilomaa viatema.+
Oko moketyimonena oko okuti ndyikuhole.+
13 Ovinyango viivala okunika,+ vianika nawa.Komapito etu kuna ovinyango aviho viokupepa,+
Ovinyango viokwakukuta, no viokwatalala.Ove nevipakela, ove mukwendye wange.
Outoi
^ Melaka Liokonthuko: “Omutwe wove.”
^ Ine, “ipumphama pohi.”
^ Melaka Liokonthuko: “Mupepe.”
^ Melaka Liokonthuko: “Kovinkhondo vyo hena.”
^ Ine, “viayova.”
