Wahonekelwa Ova Hembeleu 3:1-19
3 Mahi pahe vanthu vetu ovasukuki, onwe vokwaihanenwa*+ keulu, sokei nawa komutumwa, komunene-nakwa ou onthwe twii* — Sesusi.+
2 Ngwe wakakatela umwe mu Ou wemunaka,+ walinga umwe ngeetyi Mwisesi alingile meumbo aliho lyo Oo yatyo.+
3 Ngwe uvalulilwa* umwe kokuhiwa omunkhima+ omunene vali ku ou Mwisesi ali nao, tyeetyi ou wokwatunga ondywo unkhimana vali kondywo yatyo.
4 Ngwe tyili, apa pena ondywo pena ou weitunga-po, mahi watunga ovipuka aviho o Huku.
5 Mwisesi wali umwe omunthu uyumbwa onthumbi alingi umwe ou wayaka eumbo aliho lyo Oo yatyo, otyo atyilingi ombangi yovipuka ankho haa mavipopiwa,
6 mahi Kilisitu wali omona+ uyumbwa onthumbi meumbo lya Huku.+ Onthwe tulinga vala eumbo lya Huku, tyina tukakatela umwe vala mokupopia tyehena tyinkhe atee konthyulilo, no mekevelo eli tulimphandela.
7 Naina, tyaambaile omphepo ikola:+ “Hono tehelelei-vo etyi apopia,
8 mwahatenekei omitima vienyi ngo pokwankhindulile-ale onyengo ilula, ngo monthiki yokulola, moluhandya,+
9 moluhandya omu onombwale mbenyi vandolelele, vahandele okulitalelapo naame, ngwe vakalele omanima 40 tyimona ovipuka nalingaile.+
10 Otyo otyo umwe nanumanenene ovanthu vana, andyiti: ‘Ava momitima viavo vivetwala vala nohika, ava kaveile mokunoñgonoka onondyila mbange.’
11 Andyinkhi ononyengo, atyimphe umwe okwaana, andyiti: ‘Ava kavakanyingila mokupululukwa kwange.’”+
12 Lungukei vanthu vetu, opo pwoonwe pahakale ou ukala nomutima omukalavi, wehena eyumba-nthumbi, mokuhondovoka ku Huku una omwenyo;+
13 mahi apeho lipamekei na vakwenyi nthiki na nthiki, tyina nkhele tuli monthiki ei itiwa o “Hono,”+ opo pahakale nawike utenekwa nononkhono mbuyondya mbonkhali.
14 Mokonda onthwe tyotyili matuli-ko vala ku* Kilisitu, tyina tukakatela monthumbi atee konthyulilo, onthumbi twakala-le nayo ponthyimbi.+
15 Tyatiwa-le: “Hono ine onwe mutehelela etyi apopia, mwahatenekei omitima vienyi ngo pokwankhindulile-ale onyengo ilula.”+
16 Ovalie vatile umwe okutyiiva vetyiiva umwe, mahi nkhele avankhindula vali onyengo yae ilula? Havanthu umwe aveho, ava vokwapolelwe ko Isitu na Mwisesi?+
17 Ngwe hatyo vala otyo, ovalie ankho vakalela vala okunumanesa Huku momanima 40?+ Ha vava vokwalingile onkhali, ava vokwatokelele moluhandya omandindi atyo ngamo esala?+
18 Ovalie Huku apopilile umwe aane, ati mokupulukwa kwange kavakanyingila-mo? Ha vava vokwehetavelele?
19 Pahe twetyimona okuti ovo naina kavanyingilile-mo kombanda yeetyi kavali neyumba-nthumbi.+
