Wahonekelwa Ova Ngalasiya 3:1-29
-
Ovilinga Viovitumino vielikalela neyumba-nthumbi (1-14)
-
Ovaviuki mavakakala nomwenyo mokonda yeyumba-nthumbi (11)
-
-
Omulao Ambalayau apopililwe kautei Movitumino (15-18)
-
Kilisitu ombuto ya Ambalayau (16)
-
-
Oku kwatuka Ovitumino neetyi vialingilwa (19-25)
-
Ovana va Huku mokonda yeyumba-nthumbi (26-29)
-
Ovanthu va Kilisitu ombuto ya Ambalayau (29)
-
3 Onwe vahima onwe, va Ngalasiya! Olie wemutwala no movivi ñgaa,+ onwe mwapotoyolelwa umwe nawa ononkhia mba Sesusi Kilisitu etyi apapelwa momuti?+
2 Pena etyi nahanda okumupula, otyetyi:* Onwe o movilinga vipopiwa movitumino mwatambulila omphepo ikola, ine okwayumba onthumbi mweetyi mweiva?+
3 Okuti ouhima wenyi walinga umwe vali omunene? Okuhimbika mwahimbikila mondyila yomphepo,* pahe mukavitukila mondyila yohitu?*+
4 Okuti ononkhumbi mwakondya-kondya nambo mwene mwakondya vala otyali? Au kamwakondyele vala otyali.
5 Ñgaa mwati hamwe ou umupa omphepo ikola, ulinga ovinene+ pokati kenyi, ulingila etyi ovitumino vipopia, ine ulingila onwe mwayumba onthumbi mweetyi mweiva?
6 O nga Ambalayau, “wayumbile onthumbi mu Siovaa,* otyo atilwa ondingaviwa.”+
7 Onwe mwene tyili mutyii okuti vayumba-ko onthumbi ovo ovana va Ambalayau.+
8 Ovihonekwa, mokwetyimona-le okuti Huku novanthu vomihoko omikwavo vena onthumbi meveti onondingaviwa, viapopilile-ale Ambalayau oviwa ovipe viati: “Ovanthu vomihoko aviho mavakamonena mwoove oviwa.”+
9 Naina vokuyumba-ko onthumbi vakamonena kumwe na Ambalayau oviwa, nae ankho uyumba-ko onthumbi.+
10 Aveho vapamena mu evi vipopiwa movitumino vahingwa, tyahonekwa: “Akatengale ou wahakakatela movipuka aviho viahonekwa mombwingwa Yovitumino ou wehevilingi.”+
11 Ngwe tupu tyimoneka umwe nawa, nawike Huku ati ondingaviwa kokwaendela movitumino,+ mokonda “ondingaviwa ukakalela-ko onthumbi.”+
12 Ngwe Ovitumino kavipumphama konthumbi. Mahi “ou ulinga ovipuka ovio, ovio makakalela-ko nomwenyo.”+
13 Kilisitu wetulanda,+ wetuhukulula+ monkhano Yovitumino, onkhano aiwila kwe kombanda yetu, tyeetyi tyahonekwa tyatiwa: “Wamayendyeleswa momuti, oo wateyelwa onkhano.”+
14 Otyo tyalingwa opo oviwa vikapewa Ambalayau vilinge viovanthu vomihoko aviho mu Kilisitu Sesusi,+ opo onthwe tutambule omphepo ikola yatolelwe,+ monthumbi tuna-yo.
15 Vanthu vetu, mandyipopi otyipuka novanthu valinga: Pohika palingwa omphango apelitavelwa, na ankho yalingwa vala nomunthu, tyati vala apehena ou wiinyima-po, apehena ou uyawisa-ko vali.
16 Vatolelelwe omphango oyo, ovo Ambalayau nou makatuka mwe.*+ Katyatilwe, “naava vakatuka mwoove,”* ngatyina uti ovanyingi. Mahi tyatiwa, “nou makatuka mwoove,”* ngokuti wike vala, Kilisitu.+
17 Otyikwavo mandyipopi otyetyi: Ovitumino, viokwekeya vala etyi palamba omanima 430,+ kavinyimi-po omphango Huku alingile po tete, ngatyina uti vinyima-po etyi atolele.
18 Mokonda ine naina ondyambi itei vala kovitumino, opo kaitei vali kweetyi tyatolelwe; mahi Huku walinga umwe otyali Ambalayau emupela-yo mweetyi emupangela.+
19 Opo naina, Ovitumino ovia-tyi? Ovio viayawiswa-ko vihololole ononkhali,+ atee ombuto iya,*+ ombuto yapangelwe; ngwe omphango oyo yatolelwe nonoandyu+ aikwate peke lya umwe ankho walinga omuhonyeki.+
20 Ngwe opo kapakala vali omuhonyeki tyina omphango yalingwa vala na wike, Huku una wike vala.
21 Okuti naina Ovitumino vilipona neetyi Huku atolele? Au, otyo hatyo! Mokonda ine kwaetelwe otyitumino tyeeta omwenyo, opo ñgeno tyitisa ovanthu onondingaviwa ovitumino.
22 Mahi Ovihonekwa viapakula ovanthu aveho peke lionkhali, opo etyi tyapangelwe tyituka konthumbi mu Sesusi Kilisitu tyipewe ava vayumba-ko onthumbi.
23 Mahi, pweetyi onthumbi yeheneye, ankho tuyungwa vala notyitumino, ankho twayekelwa umwe peke liotyitumino, otyo tukevelela onthumbi ankho pahe maiholololwa.+
24 Naina, Ovitumino vialinga omuyungi,* ankho vituyunga vituhikiye ku Kilisitu,+ opo tutiwe tunondingaviwa mokonda yokuyumba-ko onthumbi.+
25 Mahi pahe mokonda onthumbi yeya,+ onthwe katuyungwa vali.*+
26 Otyili, onwe amuho mwalinga ovana va Huku+ tyokuyumba onthumbi mu Kilisitu Sesusi.+
27 Mokonda onwe amuho vokwambatisalwa mu Kilisitu mwavala Kilisitu.+
28 Petupu vali tyokuti ou omu Sundaa, ou omu Ngeleku,+ akwehena-le tyokuti ou omupika, ou hamupika,+ ou omulume ou omukai,+ onwe amuho mumunthu wike vala mu Kilisitu Sesusi.+
29 Mahi hatyo vala otyo, ine onwe mu va Kilisitu, opo mumbuto umwe ya* Ambalayau,+ onwe nomphinga+ mbeetyi tyatolelwe.+
Outoi
^ Melaka Liokonthuko: “Nahanda okukopa mu onwe.”
^ Melaka Liokonthuko: “Mwahimbika momphepo.”
^ Melaka Liokonthuko: “Mamukapwila mohitu.”
^ Tala Ovipuka Viapotoyolwa A5.
^ Melaka Liokonthuko: “Nombuto yove.”
^ Melaka Liokonthuko: “Nonombuto mbove.”
^ Melaka Liokonthuko: “Nombuto yae.”
^ Ine, “ou watolelwe eya.”
^ Ine, “omulongesi.”
^ Ine, “tutupu vali omulongesi.”
^ Ine, “mwatuka umwe mu.”
