Oviimbo 108:1-13
Otyiimbo. Otyiimbo tya Ndaviti.
108 Omutima wange wakola Huku yange.
Mandyihiki otyo ndyiimba nomutima* wange auho.+
2 Pahuka-po tyihumba tyange noove tyisandyi.+
Mandyipahuka-po ombimba.
3 Mandyikuhivilikila pokati kovanthu, Siovaa,Tyina ndyili pokati kovanthu vovilongo mandyiimbi* oviimbo vikuhivilika.
4 Mokonda olwembia lwove olunene unene, lwaya unene peulu ngeulu,+Etyi otyili tyove tyakatoma peulu.
5 Huku yange, nkhimanekwa umwe na nthele ina eulu.Omunkhima wove wooye kombanda yohi aiho.+
6 Ovanthu vove uhole vayovoke,Tuyovole-vo nenkhanya liove liokulio, nkhumbulule-vo.+
7 Huku mousukuki wae* ati:
“Mandyihambukwa andyiteta-teta ofika yo Sikei ngou uteta+ ofika yapiñganwa,Andyipaka-paka omahe Melola lyo* Sukote.+
8 O Sileyande+ oyange no Manasesi oyange,Efalaii otyikoko* tyo komutwe wange.+Sundaa omphangoti yange yokutumina.+
9 Moambe etoko liange liokulikohela.+
Ko Endoo oko mandyikatula ononkhaku mbange.+
Ko Filisitiya ngako ndyikatwila ondolo.”+
10 Olie manthwala mepunda-umbo liovimato viokwapama?
Olie manthyindikila ko Endoo?+
11 Olie vali, have vala Huku yetu, ove wokwetuyala?Have vala Huku yetu, ove wokwahai vali novita vietu movilwa?+
12 Tukwateseko-vo mononkhumbi mbetu,+Okuyovolwa nomunthu tyitupu-ale etyi tyilinga.+
13 Mu Huku omo matupolo ononkhono,+Ngwe maliata-liata onondyale mbetu.+
Outoi
^ Melaka Liokonthuko: “Nomunkhima.”
^ Ine, “mandyihindi.”
^ Ine hamwe, “komphangu yae ikola.”
^ Ine, “mombwelo mo.”
^ Melaka Liokonthuko: “Omphangu yapama yo.”
