Oviimbo 132:1-18
Otyiimbo tyo Movilondeka.
132 Siovaa, hinangela-vo NdavitiHinangela-vo ononkhumbi ambuho amona.+
2 Hinangela etyi apopilile Siovaa aane,Omphango alingile Huku ya Sakoo, Huku Omunene, etyi atile:+
3 “Himanyingila mohinge yange, himai meumbo liange.+
Himalangala kombandwa yange, himai poula wange.
4 Himayeke omaiho ange alale,Nii himayeke ovipumbweiho viange vipululukwe.
5 Mavipululukwa vala tyina namamonena Siovaa omphangu,Tyina namamonena eumbo likahi nawa Huku ya Sakoo,+ Huku Omunene.”
6 Tala! Otyo onthwe twetyiiva ko Efalata.+Twetyivasa mofika yoviteta.+
7 Tunyingilei meumbo liae,*+Atulipetamena kotyiliatelo tyonomphai mbae.+
8 Katuka Siovaa, endyu pomwombelo wove,+Noove notyikasa tyononkhono mbove.+
9 Okuviuikisa tyilinge omuvalo wovanakwa,Ava vokwehekuyeke-po vakwiilile.
10 Mokonda ya Ndaviti omuundapi wove,Wahayale* omulembulwa wove.+
11 Siovaa wapopile na Ndaviti aane.Etyi apopia otyo umwe malingi kamelikondola,* etyi ati:
“Kotyipundi tyove mandyikapaka-ko omunthu,Mandyikapaka-ko umwe pu vana vatuka mwoove.*+
12 Ine ovana vove vaendela momphango yange,Avetavela etyi ndyili nokuvelonga,Tupu novana vavo+Mavakapumphama kotyipundi tyove apeho-apeho.”+
13 Mokonda Siovaa wakoya-po o Siyau.+Oyo aholovona-po ikale eumbo liae, ati:+
14 “Apa, opo opomwombelo wange mandyiombaila apeho.Opo mandyikala+ mokonda otyo ame nahanda.
15 Mandyikemupa okulia okunyingi-nyingi.Ovahepi vae mandyikevepa ombolo avekekuta.+
16 Ovanakwa vae mandyikevevaleka eyovo,+Ava vokwehemuyeke-po mavakakwiilila.+
17 Oko mandyikekulihila ombinga ya Ndaviti aikapongolola.
Omulembulwa wange nemupakela okandiyelo.+
18 Onondyale mbae mandyikembuvaleka olukundo,Mahi komutwe wae makukaliaimina otyiuya tyouhamba.”+
Outoi
^ Ine, “mondywo ya Huku.”
^ Melaka Liokonthuko: “Wahapole otyipala.”
^ Ine, “kamelityinkhi.”
^ Melaka Liokonthuko: “Otyinyango tyo meimo liove.”
