Oviimbo 141:1-10
Otyiimbo tya Ndaviti.
141 Ove Siovaa, o kwoove ndyiliyava.+
Kanyauka-vo unkhwateseko.+
Nthehelele-vo nawa tyina ndyiliyava kwoove.+
2 Elikwambelo liange likale-vo ngombao inika nawa+ kotyipala tyove,+Aa omavoko ange nayelula akale-vo ngotyiawa tyovilia tyo kongulohi.+
3 Paka-vo omuyungi komulungu wange Siovaa,Paka-vo omulavi kepito liomulungu wange.+
4 Wahayeke-vo omutima wange uyembe kotyivi natyike,+Nahalinge ovivi novalume onondingavivi.Nahapepelwe nomakulia avo.
5 Omuviukisi okumbeta, otyo ame ndyiti elao.*+Okumbiyula omulela watilwa momutwe wange,+Omulela ame nahaanye momutwe.+
Mandyivelingaila omalikwambelo no pemone liavo.
6 Namphila vokuteta onomphela mbavo vakunkhununinwa mevoyo,Ovanthu mavatehelela nawa onondaka mbange mokonda mbuhambukiswa.
7 Omankhipa etu ahandaulilwa komulungu Wondyembo,*Uti vala hamwe ofika yalimwa, ofika yatandaulwa omikungu.
8 Mahi ame naika vala omaiho mwoove, Tatekulu Ohamba Onene Siovaa.+
O mwoove ndyiholama.
Wahamphole omwenyo.*
9 Ndyakulile-vo komayo eliva vanthela,Ndyakulile-vo komaliva onondingavivi.
10 Onondingavivi ambuho, ombo mwene mambukankhia momaliva mbatela,+Mahi ame mandyikakwata umwe pomaliva ambo anahankhi-mo.
Outoi
^ Ine, “ongatyina andinga olwembia.”
^ Tala Onondaka Mbahangununwa.
^ Ine, “wahamphole ohande yange.”
