Oviimbo 42:1-11
Ko wokutumbula-mo. O Masikili.* Otyovana va Kolaa.+
42 Huku yange, ame nesuka* unene noove,Ngombambi yaliwa nohunga ihanda omaande.
2 Ame naliwa* unene nohunga, ohunga yatyo o Huku nesuka nae, Huku wokuna omwenyo.+
Onalupi mandyiende ponthele ya Huku?+
3 Ononkhuka mbange ombo ndyihimamena, ombo ndyilalela.Onthiki aiho ovanthu vankhwela otyo vati: “Huku yove uli-pi?”+
4 Ovipuka ovio ame ndyivihinangela, mandyikwikulila omutima wange,*Mokonda ame netyiliya okweenda-enda novanthu ovanyingi.Ankho ndyilipulukwa vala komutwe wavo, andyikehika kondywo ya Huku,Otyo ndyiivite ovanthu vakwiilila otyo vapandula,Ovanthu ovanyingi-nyingi veli motyipito.+
5 Oityi nakalela notyiho?+
Oityi nahahavalela?
Mandyikevelela ku Huku,+Ame nkhele mandyimuhivilika tyeetyi Omuyovoli wange Omunene.+
6 Huku yange, nehulilwa.+
Otyo ndyikuhinangelela,+Motyilongo tyo Solondau, pokatanga-tanga komphunda Helemoo,Momphunda Misale.
7 Omeva okwaya kohi, aihana omeva okwaya kohi,Otyo onomphupa mbove mbwivala.
Omakufikufi ove aeho okwatutumba, ekahi nokunthumina.+
8 Komutenya Siovaa makakala nolwembia olunene naame,Kounthiki mandyikemwimbila otyiimbo tyae, elikwambelo liokwita ku Huku yomwenyo wange.+
9 Mandyipulu Huku, onkhanda yange mandyiti:
“Oityi wandimbwilwa?+
Oityi ndyilingilwa onya nonondyale mbange, pahe ndyienda-enda tyeliuunga?”+
10 Onondyale mbange mbunkhwela mbundyele umwe tyokuhanda okundyipaa,*Onthiki aiho vankhwela otyo vati: “Huku yove uli-pi?”+
11 Oityi nakalela* notyiho?
Oityi nahangayalela?
Mandyikevelela ku Huku,+Ame nkhele mandyimuhilivika tyeetyi Omuyovoli wange Omunene, o Huku yange.+
Outoi
^ Tala Onondaka Mbahangununwa.
^ Ine, “ohande yange yesuka.”
^ Ine, “ohande yange yaliwa.”
^ Melaka Liokonthuko: “Mandyiuyula ohande yange.” Tala Onondaka Mbahangununwa, ohande.
^ Ine hamwe, “ngatyina vatyatyaula omankhipa ange.”
^ Ine, “oityi ohande yange yakalela.”
