Oviimbo 51:1-19
Ko wokutumbula-mo. Otyiimbo tya Ndaviti, pweetyi omuuli Nataa akapopia nae, etyi Ndaviti alala na Mbate-Semba.+
51 Ndinge-vo onkhenda Huku yange mokonda yolwembia lwove olunene.+
Nyima-vo ononkhali mbange mokonda yokankhenda kove okanene.+
2 Nkhohe-vo umwe nawa-nawa andyisukuka kotyivi nalinga,+Nkhohe-vo onkhali yange.+
3 Mokonda ovivi nalinga ndyivii nawa,Ndyikalela vala okusoka konkhali yange.*+
4 Nalinga onkhali kwoove, okwoove* nalinga onkhali.+Nalinga etyi tyapenga komaiho ove.+
Tyina ove upopia, upopia onondaka mbata-mo,Ove umuviuki momakoyeso ove.+
5 Tala! Ame natyitwa-le nombei yonkhali,Tyina mee apitwa ankho ndyimukwankhali-ale.+
6 Tyotyili, ove uhambukwa tyina mokati komunthu muna otyili.+Longesa omutima wange onondunge mbotyotyili.
7 Nkhohe-vo noisopu* onkhali yange ndyisukuke.+Nkhohe-vo ndyisukuke, andyitwele vali tyipona omakoko ongandyi.+
8 Nkhwateseko-vo ndyihambukwe, ndyihele,Opo omankhipa watyatyaula ahambukwe.+
9 Wahatale-vo* kononkhali mbange,+Nyima-vo ovivi aviho nalinga.+
10 Huku yange, nkhwateseko-vo ndyikale nomutima wasukuka,+Paka-vo mokati kange omutima omupe,+ omutima wotyili.
11 Wahanthaate-vo ponthele yove.Wahamphole-vo omphepo yove ikola.
12 Nkhondolele-vo ehambu lituka keyovo liove.+Nkhwateseko-vo ndyikale* nomutima wokukutavela.
13 Vokulinga ovivi mandyivelongesa onondyila mbove,+Opo vokulinga ononkhali vakondoke no kwoove.
14 Ndyovole-vo konkhali yohonde+ Huku yange, Huku yeyovo liange,+Opo elaka liange lipopie nehambu enene evi viaviuka ulinga.+
15 Siovaa, ikula-vo omulungu wange,Opo omulungu wange ukuhivilike.+
16 Omokonda ove kuhande otyilikutila ñgeno nekupa-tyo.+Nii kuhambukilwa otyilikutila tyokuyokwa.+
17 Ovilikutila vihambukiswa Huku, omutima wateka-teka.Huku yange, ove kumaanye* omutima wateka-teka, omutima wamiangauka.+
18 Mokankhenda kove linga-vo nawa o Siyau.Pindula-po ovimato vyo Selusalei,
19 Opo uhambukilwe ovilikutila viaawa nouviuki,Ovilikutila viokuyokwa noviawa viamundindi.Komutala wove wovilikutila makukayokelwa onondume-tane.+
Outoi
^ Ine, “onkhali yange apeho ili vala kotyipala tyange.”
^ Melaka Liokonthuko: “Oku ove vala.”
^ Oisopu otyifo.
^ Ine, “holeka otyipala tyove.”
^ Melaka Liokonthuko: “Nkhwateseko.”
^ Ine, “kumatombo.”
