Oviimbo 52:1-9
Ko wokutumbula-mo. O Masikili.* Otya Ndaviti. Pweetyi Ndowenge omu Endoo atolela Saulu okuti Ndaviti wakwata meumbo lya Aimeleke.+
52 Pahe ñgana ove ulipaka-ko mokonda yonontheto mbove onombi, ove wokwapama?+
Olwembia olunene lwa Huku lukala onthiki aiho.+
2 Elaka liove lialipikwa ngonkhiki yokukulula,+Lipanga okulinga ovivi tupu likemba.+
3 Ove uhole vali ovivi tyipona otyiwa.Kwoove hahe vali okukemba tyipona okupopia otyili. (Selaa)
4 Ove uhole onondaka ambuho mbokunyona,Ove welaka liokukemba!
5 Otyo Huku mekwipaela-ko, ohakala-kala-ko vali.+Mekukwata ekutukula mohinge yove.+Mekutukula kombanda yeheke.+ (Selaa)
6 Ovaviuki maveketyimona avahuvu,+Avekemuyola, +otyo vati:
7 “Omunthu wokwahaholamene mu Huku oyou,+Wayumba onthumbi* molumono lwae olunyingi,+Apamena monomphango mbae onombi.”*
8 Mahi ame mandyikala ngomundyambi wayova nawa mondywo ya Huku.Mandyiyumbu onthumbi molwembia olunene+ lwa Huku apeho-apeho.
9 Mandyikuhivilika apeho mokonda yetyi walinga,+Mandyikala ponthele yovanthu vove ovaviuki,Andyikevelela kenyina liove,+ mokonda ewa.
