Oviimbo 58:1-11
-
Kuna Huku ukoyesa ohi
-
Elikwambelo opo onondingavivi mbwipawe (6-8)
-
Ko wokutumbula-mo. Tyipopia okuti, “Wahahanye.” Otya Ndaviti. O Mikitau.*
58 Onwe valume, okuti mupondola okupopia etyi tyaviuka tyina mwati vala filuu?+
Okuti mupondola okukoyesa nouviuki?+
2 Mahi onwe momitima vienyi mupanga evi viahaviukile.+Omankhanya enyi ayandyanesa ovilwa motyilongo.+
3 Onondingavivi vati vala tyitwee* avalingi ovivi.*Vati vala tyitwee avakala onomphuki, avakala ononkhembi.
4 Oulio wavo ukahi ngoulio wononyoka.+Ovanthu ovo, onompholo ngetunga-lutwo lilipata momakutwi.
5 Kamaliivi ondaka yo vokumbupita,Ngavelipiti ñgoo novihemba ovinene vali.
6 Huku yange, vetontha omayo omomulungu wavo!
Siovaa, teya onomphanda mbononkheyama ombo!*
7 Vakakote umwe ngomeva akukuta.
Apete onkhondyi yae, evetokesa nonohevo mbae.
8 Vakale ngehuku liti otyo lieenda otyo lisenguluka,Ngolukembe lwatyitwa tyehena omwenyo, lwahamamono ekumbi.
9 Tyina nkhele onombiya mbenyi mbehenemone outokotwe wononkhwii mbomukete,Makatyinda-po onompha mbokwatalala novihihi, ngatyina epuku-puku enene.+
10 Omuviuki makahambukwa mokonda wamona onondingavivi mbakondolelwa ovivi viambo.+Onomphai mbae, mambukepwila mohonde yambo.+
11 Ovalume mavakati: “Tyotyili, omuviuki uyambwa.+
Tyotyili, kuna Huku ukoyesa ohi.”+
Outoi
^ Tala Onondaka Mbahangununwa.
^ Melaka Liokonthuko: “Tundee meimo.”
^ Ine, “avayapuka.”
^ Ine, “mbokwelilumba pahe.”