Oviimbo 79:1-13
Otyiimbo tya Asafe.+
79 Huku yange, ovanthu vovilongo vanyingila motyilongo tyove,+Vasilisa ondywo yove ikola,+O Selusalei pahe veityitula vala omatunthu.+
2 Omandindi ovaundapi vove veeavela oviila viomeulu vieelie-po,Ohitu yovanthu vove ankho vokukutavela veviyumbila ovinyama viofika.+
3 Vauyulila ohonde yavo mo Selusalei aiho uti vala omeva,Nii kamwahupile nawike ukevepaka.+
4 Onthwe pahe tukalela vala okukwelwa na vana twelikalaila navo pomaumbo.+Ava vakala pononthele mbetu vetukwela, vetupenya.
5 Siovaa, mokala tyanumana ñgaa atee nalupi? Otyo mokala ñgaa apeho?+
Onyengo yove maikala tyatokota ñgaa ngotupia atee nalupi?+
6 Uyulila onyengo yove kovanthu vokwehekwii,No konohamba mbovanthu vahakalavandya enyina liove.+
7 Mokonda valia-po Sakoo,Otyilongo tyae avetyityitula ekongola.+
8 Wehetufetese-vo ononkhali mbovakulu vetu vo kohale.+
Tulinge-vo liwa onkhenda,+Etyi twalingwa tyetukundisa unene.
9 Tukwateseko-vo Huku yetu, muyovoli wetu,+Kombanda yenyina liove liankhimana.Tuyovole, tukutulule-vo* ononkhali mbetu mokonda yenyina liove.+
10 Atee vali ovanthu vekehika kokuti: “Huku yavo uli-pi?”+
Noonthwe mwene tulimonene-ko okuti ovanthu aveho vovilongo vanoñgonoka okuti,Ohonde yovaundapi vove yatanthwa.+
11 Tehelela-vo otyenyo tyononkhwatwa.+
Ononkhwatwa mbokwatiwa mambukaipawa, mbuhupisa-vo* nokuvoko kwove okunene.*+
12 Siovaa, ava twelitungaila navo pomaumbo vekuleva,+Noove velinga etyi tyilifeta neetyi vekulinga, opalaika-po atee tyivasa pepandu-vali.+
13 Pahe opo onthwe vanthu vove, onthwe nongi mbo motyunda tyove,+Matukekupandaula,Atukaivisa omunkhima wove apeho, apeho.+
Outoi
^ Melaka Liokonthuko: “Umbika-vo.”
^ Melaka Liokonthuko: “Ovana vononkhia vehupisa-vo.” Ine hamwe, “veyovola-vo.”
^ Ine, “nononkhono mbove ononene.”
