Oviimbo 80:1-19
Ko wokutumbula-mo. Otyiimbo “Tyononthemo.” Otyokuhinangelesa. Otyiimbo tya Asafe.+
80 Munthita wa Isilayeli tehelela-vo,Ove wokuhongolela Susee ngeetyi tyihongolelwa onongi.+
Ove wokupumphi kotyipundi tyoutumini keulu lyo no* kelumbii,+Liaima.*
2 Hololola ounene wove,Otyo Efalaii na Mbesamii na Manasesi vatala.+Endyu utuyovole.+
3 Huku yetu, tupindule-po-vo.+Otyipala tyove tyitumimikile-vo tuyovoke.+
4 Siovaa Huku yomambamba ovita, moyale* ñgana omalikwambelo ovanthu vove atee nalupi?+
5 Ove uvepa ononkhuka ambukala okulia kwavo,Ovenwisa omahonyi omanyingi-nyingi.*
6 Soka ove uyeka vana twelikalela navo popepi valwile kombanda yetu.Onondyale mbetu mbukalela vala okutukwela, mbutulinga vala etyi mbahanda.+
7 Huku yomambamba ovita tupindule-po-vo,Otyipala tyove tyitumimikile-vo tuyovoke.+
8 Ove wapola omuti wonouva+ ko Isitu,
Otaata ovanthu motyilongo tyavo ngamo uutwika.+
9 Apa weutwika waviukisa-po nawa,Auyumbu omii auhanduka motyilongo atyiho.+
10 Onomphunda ankho mbuli motyihi tyao,Omiti omisendulu vya Huku ankho vili mombwelo yonompha mbao.
11 Onompha mbao mbekehika kelunga,Onomphapule mbatyo ambukehika Kondongi.*+
12 Oityi wahanyena-po onongandyo mbomamanya mbomapia omivinyu?+Pahe soka aveho vala valamba vatokola-ko ovinyango!+
13 Ononguluve mbo moviteta mbeunyona,Pahe wakala okulia kwovinyama viomofika.+
14 Huku yomambamba ovita kondoka-vo mbaa.
Yumba-vo pano omaiho otale!
Yunga nawa omuti ou wo nouva,+
15 Ehina eli* watwika nenkhanya liove liokulio,+Otale-vo kompha yove ina* wakolesile.+
16 Omuti wo nouva wapakwa otupia,+ watyokwa-po.
Ovanthu weveviyula vala notyipala tyove* avankhi.
17 Enkhanya liove likwateseko omunthu wahula kenkhanya liove liokulio,Omunthu wove una wakolesile.+
18 Opo, onthwe kamatukuyeke-po.
Tuhupise-vo na tuhilivike enyina liove.
19 Siovaa Huku yomambamba ovita tupindule-po-vo,Otyipala tyove tyitumimikile-vo tuyovoke.+
Outoi
^ Ine hamwe, “pokati ko no.”
^ Ine, “hololola otyimimi tyove.”
^ Melaka Liokonthuko: “Mokatulila omwihi.”
^ Ine, “ononkhuka ononyingi-nyingi.”
^ Oyo Ondongi Eufalate.
^ Ine, “ehina liomuvinyu.”
^ Ine, “komona wove una.”
^ Ine, “etyi weveviyula.”