Oviimbo 88:1-18
Otyiimbo. Otyiimbo tyovana va Kolaa.+ Ko wokutumbula-mo. Tyaimbwa mo Maalate,* tyina ou atumbula-mo ava vataviya. O Masikili* ya Hemaa+ watuka mu Selaa.
88 Siovaa Huku yange muyovoli wange,+Komutenya ndyuulula onkhwo,Oku kounthiki andyiya kotyipala tyove.+
2 Elikwambelo liange lihike-vo kwoove,+Nga naulula onkhwo yendeleka-vo okutwi kwove.*+
3 Ohande* yange yepwila memone,+Omwenyo wange wayendyamena Kondyembo.*+
4 Soka ndyivalulilwa-le pu vana vehungi metoto,*+Ndyitupu-ale vali ou unkhwatesako,*+
5 Pahe nasiwa vala opo, po vokwankhia,Ngovivimbi vili meendo,Ovivimbi ove wahasoko-ale vali,Viapolwa-le peke liove.*
6 Ove wandyumba metoto limwe liaya unene kohi,Mwanthikovela, metoto limwe liaya unene-nene kohi.
7 Onyengo yove yandemena unene,+Wanthyitakanesa nomanyonda ove ena ononkhono. (Selaa)
8 Ava ankho twelityiliya navo wevemphola, wevetahela kokule,+Pahe soka vendyele kombanda yetyi wandinga.
Nakutwa, himahupu.
9 Omaiho ange kaamono-po vali nawa, kombanda yemone ndyina-lio.+
Siovaa, onthiki aiho ndyilikwambela kwoove,+Ndyikuyelulila omavoko ange.
10 Okuti vokwankhia vapondola okumona ovipuka vihuvisa ove ulinga?
Okuti vana vokwehevili vali natyike, vana vokwankhia, vapondola okupinduka-po avekuhilivika?+ (Selaa)
11 Okuti olwembia lwove olunene malukapopiwa vali meendo?Okuti otyili tyove matyikapopiwa momphangu yehanyauno?*
12 Okuti evi ulinga vihuvisa no menthiki mavikanoñgonokwa?Okuti evi ulinga viaviuka mavikanoñgonokwa motyilongo tyo vokuheiwe vali?+
13 Siovaa ame nkhele ndyuulula onkhwo opo undyamene,+Ononthiki ambuho komuhuka elikwambelo liange lihika kwoove.+
14 Oityi wandyalela* Siovaa?+
Oityi unthyolekela otyipala tyove?+
15 Nkhele tya poututu,Ndyimona vala emone, ndyikondaukila-ko vala.+Pahe ndyilinyongamena vala kombanda yovipuka ovivi wandyekela.
16 Onyengo yove yatokota ili nokumiangaula.+Mokonda ove unthyukaisa unene, pahe ndyili umwe vala nokunkhia.
17 Ovipuka ulinga vieliseta naame onthiki aiho ngomeva,Vimphaka pokati-nakati.*
18 Omapanga ange no vomundyila yange, wevemphola ovetwala kokule.+Pahe epanga liange enthiki vala.
Outoi
^ Tala Onondaka Mbahangununwa.
^ Tala Onondaka Mbahangununwa.
^ Ine, “nyongama-vo otehelela.”
^ Tala Onondaka Mbahangununwa.
^ Tala Onondaka Mbahangununwa.
^ Ine, “pahe nakala vala ngo ou wehena ononkhono.”
^ Ine, “meendo.”
^ Ine, “vieheli-ale vali kolutei lwove.”
^ Ine, “mo Ambandoo.”
^ Ine, “wayalela ohande yange.”
^ Ine hamwe, “aviho viila vala kumwe.”
