Ovilinga Viovatumwa 9:1-43
9 Mahi Saulu otyo atutumba vala natyo tyokuhukaisa, okwiipaa umwe ovalongwa va Tatekulu,+ aende komunene-nakwa,
2 akapopia nae atume omikanda konondywo mbokufendela ko Ndamasiku, etyivile okukevekuta-ko aveho velipaka Mondyila oyo,+ novalume novakai evetwala no ko Selusalei.
3 Hono nthiki imwe uli mondyila wenda no ko Ndamasiku, wakati vala ñgaa wavetwa notyitei tyatunda keulu, epwila monohanya,+
4 atokela umwe pohi, eivi ondaka aimuti: “Saulu, Saulu, oityi umonehila emone?”
5 Ngwe ati: “Ovelie Tatekulu?” Ati: “Ame, ame Sesusi,+ ou ove uli vala nokumonesa emone.+
6 Katuka, nyingila mepunda-umbo, ukatolelwe etyi una okulinga.”
7 Ovalume ankho aya navo atyivehuvisa unene, avakukuta omate, ankho veivite vala ondaka, ou upopia kavemweete.+
8 Saulu akatuka-mo meheke omo, oku komaiho ankho wapahula-ko umwe mahi nii keete natyike. Avemukwate mokuvoko, avekemuhikiya mo Ndamasiku.
9 Apakala umwe ononthiki ononthatu otyo eheete-po,+ ankho wati vala ahali, ahanu.
10 Mo Ndamasiku mwali omulongwa umwe ankho utiwa o Ananiya,+ Tatekulu ngae apopila movililenya ati: “Ananiya!” Ngwe etavela ati: “Ame uno Tatekulu.”
11 Tatekulu emuti: “Katuka, enda no kondyila ei vati ondyila Yaviuka, enda meumbo lya Sunda, katale-mo omulume umwe utiwa o Saulu wo ko Talusu.+ Tala! Uli nokulikwambela,
12 movililenya wamona omulume utiwa o Ananiya wanyingila emuyambeka omavoko opo omaiho ae amona-po.”+
13 Ananiya akumbulula ati: “Tatekulu, ovanthu ovanyingi vapopia unene omulume oo, vati ulinga unene onya ovanthu vakola veli mo Selusalei.
14 Wetyitumwa umwe kuno nononkhalamutwe mbovanakwa tyokukwata* aveho vakalavandya menyina liove.”+
15 Ngwe Tatekulu emuti: “Enda! mokonda omulume oo ame nemukoya, alinge otyuma+ tyityinda enyina liange, melitwala kovanthu vovilongo,+ no konohamba,+ no kovana va Isilayeli.
16 Ame mandyimulekesa umwe nawa ovipuka malingwa, amono ononkhumbi kombanda yenyina liange.”+
17 Ananiya aende, akanyingila meumbo omo, eya emuyambeka omavoko, emuti: “Saulu, mukulu wange, Tatekulu Sesusi wamoneka kwoove etyi uli metapalo eli weya nalio, pahe oe wanthuma kwoove wati omaiho ove apatuke, yulwa nomphepo ikola.”+
18 Popiee vala ngootyo, komaiho ae akutoko otyipuka tyikahi ngoti omapeta, pahe amono-po. Akatuka ambatisalwa,
19 ali okakulia, pahe amono ononkhono.
Nkhele akala umwe ononthiki novalongwa mo Ndamasiku,+
20 kasetele-ale ahimbika okwivisila monondywo mbokufendela apopila ovanthu Sesusi, ati oo yatyo Omona wa Huku.
21 Aveho ankho vemutehela avahuvu, avati: “Omulume ou hae ankho uhukaisa ava vakalavandya enyina eli mo Selusalei?+ Hatyo eila kuno keile okuvekwata, evetwale* kononkhalamutwe mbovanakwa?”+
22 Mahi ngwe Saulu alingi umwe onduvia, onduvia onene ahuvisa ova Sundaa ankho vakala mo Ndamasiku, tyina vatala ñgaa uli umwe nokupotoyola ati oo yatyo oe umwe Kilisitu.+
23 Etyi pakala ononthiki, ova Sundaa avelipakela-mo vemwipae.+
24 Ngwe Saulu etyiivi etyi vapanga vahanda okumulinga. Pahe ankho valavesa vala konombundi, no komutenya no kounthiki vemwipae.
25 Ovalongwa vae tyina tyiti kounthiki, avemupolo avemupake mosesu avemupitisila pembololo motyimato.+
26 Etyi pahe aya mo Selusalei,+ elikwatehila umwe eliwaneka novalongwa, mahi aveho ankho vemutila owoma, ankho nkhele kavetyitavelele tyokuti nae pahe omulongwa umwe.
27 Pahe Mbalanambee+ eya emukwatesako, emutwala kovatumwa, evepopila umwe atyiho amona mondyila pokwamona Tatekulu,+ neetyi Tatekulu emupopila, neetyi pahe apopia mo Ndamasiku enyina lya Sesusi ahatili owoma.+
28 Nkhele akala navo oko, otyo aenda-enda umwe vala* mo Selusalei, otyo apopia enyina lya Tatekulu tyehena-le owoma.
29 Ankho upopia nova Sundaa vapopia o Ngeleku, otyo velipatana umwe, mahi ngwe ankho vahanda vemwipae.+
30 Etyi vakwavo vetyimona, avemutwala no ko Sesaleya, avemutumu ko Talusu.+
31 Mahi ngwe pahe aveho vomewaneno lyo mo Sundeya aiho no mo Ngalileya no mo Samaliya+ avamono umwe ombembwa nkhele, avapamekwa; putyina ankho vaendela mowoma na Siovaa* otyo vapamekwa nomphepo ikola,+ ankho valinga vala ovanyingi.
32 Pahe tyina ankho Petulu aenda-enda motyilongo atyiho, hono aende akatalapo ovasukuki vakala ko Linda.+
33 Oko aya oko, uvasa kuna omulume umwe utiwa o Eneya, wapangela-le moula omanima etyinana, ankho una otyintheya.
34 Petulu emuti: “Eneya, Sesusi Kilisitu ekuhakule.+ Pinduka-po, viukisa oula wove.”+ Popiee vala ngwe kuna ukatuka.
35 Ovanthu aveho ankho vakala mo Linda no ko Saloo, etyi vemumona avahulu ku Tatekulu.
36 Oku ko Sope kwali omulongwa umwe utiwa o Tambita, okutyipitiya tyipopia okuti, “Ndoloka.”* Oviwa ankho alinga kavilifwe-ale pano, ankho ulingila oviwa ovahepi.
37 Mahi pononthiki mbatyo opo avele, anyimi umwe. Avemukoho, pahe avekemulangeka kosapalalo keulu.
38 Mokonda ankho otyilongo tyo Linda tyelikalela popepi no tyo Sope, etyi ovalongwa vetyiiva okuti Petulu uli mepunda-umbo olio, avatumu ovalume vevali vekemwiihane vatie: “Endyu-vo kuno mbaa wahasete.”
39 Petulu popilwee ngootyo, akatuka avaende. Etyi ehika, avemutwala no kosapalalo; ovahepe aveho aveya no kwe otyo valila, otyo vemulekesa ovikutu* Ndoloka evetungailile etyi ankho ena omwenyo.
40 Petulu pahe aveho evelupula pondye,+ aikila konongolo, elikwambela. Pahe apilukila komunthu watyo,* ati: “Tambita pinduka-po!” Apatula komaiho, aimbuka Petulu, apumphama.+
41 Emupe okuvoko, emukatula-po, pahe aihana ovakwa-ukola novahepe evepakulila-e una omwenyo.+
42 Otyo atyihahana movanthu aveho vomepunda-umbo lyo Sope, ovanyingi avetavela Tatekulu.+
43 Petulu akala vala ononthiki mbehehi mo Sope, akala nomulume umwe uhika onombandwa utiwa o Simau.+
Outoi
^ Melaka Liokonthuko: “Tyokukuta; tyokuvepaka mononkhuto.”
^ Melaka Liokonthuko: “Evetwale tyakutwa.”
^ Melaka Liokonthuko: “Ati umwe vala anyingila alupuka.”
^ Tala Ovipuka Viapotoyolwa A5.
^ Tyilinge enyina lyo Ngeleku Ndoloka tyilinge lyo Alamaiku Tambita aeho ati “Omenye.”
^ Ine, “ovikutu vyo kombanda.”
^ Ine, “kolutu.”
