Selemiya 33:1-26
33 Ondaka ya Siovaa ayiendela Selemiya lya vali etyi aikwa vala Mepata Liovayungi,+ aiti:
2 “Etyi otyo tyapopia Siovaa Omutungi wohi, Siovaa wokweilinga, eipumphika; enyina liae o Siovaa, wati:
3 ‘Liyava kwaame, ame mandyikukumbulula, mandyikupopila ovinene, ovipuka viehevilwa okunoñgonokwa, ovipuka ove wehei.’”+
4 “Etyi otyo tyapopia Siovaa Huku ya Isilayeli tyiyemba komaumbo omepunda-umbo omu, nomaumbo onohamba mbo Sundaa eli nokutokeswa-po mokonda yonondondelo mbokulwila, nomutunga,+
5 na vana veli nokuya veya okulwisa ova Kalindeya, vayulisa onohika ombo novivimbi vya vana ame navanga natokesa monyengo yange, molunuma lwange, ava vokwalinga ovivi vianthwala kokuholeka otyipala tyange kepunda-umbo eli, wati:
6 ‘Ame ndyili nokulipindula-po, ndyili nokulipa ekongoko,+ mandyikevehakula, andyikevepa ombembwa onene, netuliyo.*+
7 Mandyikapola-ko ovikonde vya Sundaa, novikonde vya Isilayeli,+ andyikevepumphika ngeetyi nalingile ponthyimbi.+
8 Mandyikevesukula monombei mbononkhali ambuho valinga nahahande,+ andyikeveevela ovivi viavo aviho, novipengi viavo valinga nahahandele.+
9 Epunda-umbo eli malikampha enyina lihivilikwa nomunkhima, nouwa, movanthu vovilongo aviho kombanda yohi maveivi ovipuka aviho oviwa* mandyikevepa.+ Ovanthu vovilongo mavakahuva, avateketa+ mokonda yovipuka aviho oviwa nombembwa mandyipake mepunda-umbo omu.’”+
10 “Etyi otyo tyapopia Siovaa wati: ‘Ohika ei onwe mwati ekongola, mutupu ovanthu nii ovinyama, momapunda-umbo o Sundaa, no momatapalo o Selusalei, aa pahe avinda, mwehena mulume, nii ovanthu vakala-mo, nii ovinyama, mamukeivila-mo vali
11 ondolo, novanthu vakwiilila,+ nondaka you unepa, no you unepwa, nonondaka mbovanthu vapopia vati: “Pandulei Siovaa womambamba ovita, mokonda Siovaa ukahi nawa;+ olwembia lwae olunene kalupu!”’+
“‘Mondywo ya Siovaa mavakaeta-mo evi vaava viokupandula,+ mokonda ovikonde viotyilongo etyi mandyikevikondola-mo, mavakakala ngo ponthyimbi,’ o Siovaa wetyipopia.”
12 “Etyi otyo tyapopia Siovaa womambamba ovita wati: ‘Mekongola omu, mwehena omunthu nii ovinyama, no momapunda-umbo atyo aeho, mamukakala vali omalihilo omu ovanthita mavakaombekela ovipako viavo.’+
13 “‘Momapunda-umbo otyilongo tyonomphunda, momapunda-umbo o mombwelo, momapunda-umbo o kombwelo, no motyilongo tya Mbesamii, monohika mbeliseta no Selusalei,+ no momapunda-umbo o Sundaa,+ onongi mambukakwata mombwelo yomavoko ou umbuvalula,’ o Siovaa wetyipopia.”
14 “‘Tala! Omboo mbuya ononthiki,’ o Siovaa wetyipopia, ‘ononthiki mandyikalinga otyiwa natolele mandyilingila eumbo lya Isilayeli neumbo lya Sundaa.+
15 Pononthiki opo, no pomuvo opo, mandyikayovesila Ndaviti ondyovo* iviukisa,+ ngwe maikayakulila ouviuki, neetyi tyikahi nawa motyilongo.+
16 Pononthiki mbatyo opo, Sundaa makayovolwa,+ Selusalei makakala netuliyo.+ Opo pahe epunda-umbo malikatiwa: Siovaa Oe Ouviuki Wetu.’”+
17 “Mokonda, etyi otyo tyapopia Siovaa wati: ‘Apeho mapakala umwe watuka mu Ndaviti mapumphama kotyipundi tyounene tyeumbo lya Isilayeli,+
18 apeho makukakala omunakwa wo momuhoko wa Levii makalinga oviawa viokuyokwa, ayoko oviawa viovilia, aave ovilikutila.’”
19 Ondaka ya Siovaa ayeendela vali Selemiya aiti:
20 “Etyi otyo tyapopia Siovaa wati: ‘Ine onwe mutyivila okutalameka omphango yange nalinga, yotyitenya no yotyinthiki, otyitenya notyinthiki avieheya momuvo vianakelwa,+
21 opo vala omphango yange na Ndaviti, omuundapi wange maitalama,+ apahakala vali omona ulinga ohamba upumphama kotyipundi tyae tyounene,+ opo nomphango yange novanakwa vomuhoko wa Levii, ovaundapi* vange, maitalama.+
22 Ngeetyi omambamba ovita meulu ehevilwa okuvalulwa, noluheke lwo kelunga lwehevilwa okuyongwa, ongootyo mandyikayawisa ava vatuka mu* Ndaviti omuundapi wange, novanakwa vomuhoko wa Levii ovaundapi vange.”
23 Ondaka ya Siovaa ayeendela vali Selemiya aiti:
24 “Ove kweivile etyi ovanthu ava veli nokupopia, etyi vati: ‘Siovaa makaanya onombunga onombali aholovonene?’ Ovanthu vange kaveli nokuvelinga onthilo, nii kavevetale-ale tyokuti ovanthu votyilongo.
25 “Etyi otyo tyapopia Siovaa wati: ‘Ngeetyi mwene ame napaka-ko umwe omphango yotyitenya notyinthiki,+ novitumino vieulu no vieheke,+
26 ame nii himaanye ava vatuka mu* Sakoo, nomu Ndaviti omuundapi wange, himatalama kokuholovona pu vana vatuka mwe* ava vatumina vokwatuka mu* Ambalayau, mu Isake, mu Sakoo. Mokonda ame, mandyikakongolola-ko ovikonde viavo,+ andyikevelinga okankhenda.’”+
Outoi
^ Ine, “notyili.”
^ Ine, “okankhenda.”
^ Ine, “omphinga.”
^ Ine, “ovalingilili.”
^ Ine, “ombuto ya.”
^ Ine, “ombuto ya.”
^ Ine, “ombuto yae.”
^ Ine, “ombuto ya.”