Sofoniya 2:1-15
2 Liongiyei, liongiyei,+Onwe vanthu vokwehena ohonyi.+
2 Tyina nkhele otyitumino tyihenefwiswepo,Tyina nkhele onthiki yehenelambe ngolwinge lwatyindwa nomphepo,Tyina nkhele onyengo onene ya Siovaa yeheneye kwoonwe,+Tyina nkhele onthiki yonyengo ya Siovaa yeheneye kwoonwe,
3 Ovolei Siovaa,+ onwe amuho onondalawa,* muli kombanda yohi,Onwe vokutavela ovitumino viae viaviuka.*
Ovolei ouviuki, ovolei oundalawa.*
Hamwe monthiki yonyengo ya Siovaa, mukaholekwa.+
4 Epunda-umbo lyo Ngasa malikakala tyehena ovanthu,Lyo Asikeloo malikahanyauka.+
Epunda-umbo lyo Asindonde malikataatwa komutenya watokota,*Lyo Ekoloo malikatukulwa-po.+
5 “Ova Keleta+ vokukala konthele yelunga, ngongo yavo!
Ondaka ya Siovaa, onwe ikahi nokukoyesa.
Ove Kanaa, tyilongo tyova Filisitiya, mandyikuhanye-ko,Mandyikuhanye-ko, ohesala nomunthu nawike.
6 Ofika yokuli konthele yelunga, maikala ofika yomalisilo,Maikakala nononyombo mbovanthita noviunda vionongi viatungwa nomamanya.
7 Epunda-umbo olio, malikakala ohika yavana mavakahupa meumbo lya Sundaa,+Omo mavakalia.
Kounthiki mavakalala monondywo mba Asikeloo.
Mokonda Siovaa Huku yavo, mekevehinangela,*Vana vokuli koupika+ mekevekondola.”
8 “Ame neiva omupenyo wa Moambe,+ nonondaka mbokuleva mbova Amoo,+Vokwalingile omukwele ovanthu vange, avahongo unene otyilongo tyavo.+
9 Ine etyi katyimoneka, nkhwali ame hame-ko,” o Siovaa womambamba ovita, Huku yova Isilayeli, wetyipopia,“Moambe makakala ngo Sondoma,+Ova Amoo mavakakala ngo Ngomola,+Maikakala omphangu yovifo, etoto liomongwa, maikakala-kala vala tyahanyauka.+
Vokwahupa-po povanthu vange, mavekevepunda,Ovanthu vange vokwahupa-po, mavakapinga motyilongo tyavo.
10 Ongootyo mavakalingwa mokonda yelungavi liavo,+Mokonda velimphanda avakwele ovanthu va Siovaa womambamba ovita.
11 Siovaa mekevelwisa nonyengo onene,*Makahanyauna-ko* ovika-huku aviho vili kombanda yohi,Ovilongo aviho vikala pokati kelunga mavikelipetamena kwe,*+Otyilongo natyilongo, matyikelipetamenena pomphangu yatyo.
12 Onwe va Etiopia, noonwe mamukaipawa nomutunga wange.+
13 Makatandaveka okuvoko kwae, akuviuku kombanda, ahanye-ko o Asilia,O Ninive mekeihanya,+ aikukuta ngomoluhandya.
14 Ovipako novinyama aviho viomofika, omo mavikaombela.*
Ononkhine* novihaka, mavikalala pokati konomphandyi mbayo mbokwapama.
Ponondyanena mapekeivalela etyi tyiimba.
Omapito maakahanyauka-po,Mokonda omavai ominyele mekeesa poluhandya.
15 Eli epunda-umbo liomalityindailo lilitehela okuti liapama,Lilipopila momutima uti: ‘Ame, ame vala, kutupu vali nawike.’
Pahe otyipuka likahi, tyikukutisa omate,Omo ovinyama viomohika vilala!
Aveho valambela-mo mavakahika omwelwa, otyo vapuka komutwe.”+
Outoi
^ Ine, “vokulipaka koututu.”
^ Melaka liokonthuko: “Onomphela mbae mbaviuka.”
^ Ine, “okuliola omutima.”
^ Ine, “komutenya-tenya.”
^ Ine, “mekevetekula.”
^ Ine, “atyitilisa owoma.”
^ Ine, “makatyopa-tyopa.”
^ Ine, “mavikemufenda.”
^ Melaka liokonthuko: “Ovinyama aviho viotyilongo tyimwe.”
^ Ine, “ekanthata (oviila).”
