Sombe 13:1-28
13 “Otyili, ovipuka aviho nevimona nomaiho ange mwene,Mwene neviiva nomakutwi ange, omomakutwi ange netyinoñgonokela.
2 Etyi onwe mwii, naame otyo ndyii.Ame himututu-ko vali kwoonwe.
3 Hahe vali mwene ame okupopia na Huku Omunene.Nahanda okupopila Huku omphela yange.+
4 Onwe mwanthyilisa, mwapopia omatutu.Onwe amuho, mwalinga vala ovahakuli vahasilivila.+
5 Ine mwatile vala filuu ñgeno hahe vali,Opo hamwe mwalinga ovanongo.+
6 Tehelelei-vo kuno ndyipopie,Tehelei umwe nawa naame pahe ndyipopie-ko-vo.
7 Pahe ñgaa mwahanda-vo mwaamene Huku otyo mupopila evi viahaviukile?Okumwaamena kwatyo kumupa okukemba?
8 Pahe onwe ñgaa mwahula* kwe?Pahe mamuhande okupopila-ko Huku yotyotyili?
9 Ñgaa Huku onwe okumutala uhambukwa?+
Mwati hamwe nae mamumukembe ngeetyi mukemba omunthu?
10 Kalei mutyii okuti ngwe memuviyula,Lihindilei vala mwene okulinga okapungulula mamutale.+
11 Omunkhima wae onwe kamuutili owoma?Okumwiiva onwe kamutumphuluka?
12 Ounongo wenyi mupopia,* kausilivila o ngetwe vala.Onondyakulilo mbenyi kambakolele,* uti vala onthata.
13 Muti filuu, ame ndyipopie.
Tyiya, tyiye vala!
14 Oityi ndyiliyumbilahi ñgaa?*Oityi ndyityindila omwenyo wange* peke?
15 Namphila omwenyo watyo apondola okuumphola, mahi mwene ndyikevele vala.+Mandyitwala umwe kwe omphela yange.*
16 Oe umwe mwene mandyovola,+Ou wahatili Huku,* no pu Huku kaipo-ale.+
17 Tehelelei nawa ondaka yange.Tehelelei nawa etyi ndyipopia.
18 Tala, ame neya umwe momphela yange tyamaneka, etyi mandyipopi ndyityii.Ndyityii okuti etyi nalinga tyaviuka.
19 Olie manthañgunisa?
Ine natile nahapopie, ñgeno tyamphola vala omwenyo!*
20 Huku yange, mphe vala ovipuka vivali,*Vimphe vala nehekekuholame.
21 Mphole okuvoko kwove, kwandemena,Okukutila owoma tyahamphole omutima pomphangu.+
22 Ihana, ame mandyitavela,Ndyeke-vo ndyipopie, ove nkhumbulule.
23 Oityi ame nalinga tyapenga, onkhali patyi nalinga?
Mphopile-vo apa napengesa, nonkhali nalinga.
24 Oityi unthyolekela otyipala tyove,+Undinga umwe ngoti ndyindyale yove?+
25 Okuti motumphulula efo mwene lienda-le nomphepo?Okuti molandula otyingenge tyienda nomphepo?
26 Ove na lino uhoneka vala onondaka mbundyihama, unthendeleya,Soka umphula ñgoo, ononkhali nalingile pouna.
27 Onomphai mbange umbukutila mepundi,Ove uti vala apa ndyenda napo undyunga vala,Ulandaula momphai yange.
28 Pahe soka tyipola omunthu* omwenyo, omunthu upwa-po umwe uti vala otyipuka tyavola,Upwa-po umwe uti vala otyikutu tyaliwa noutiva.
Outoi
^ Ine, “mamulingi okapungulula, amuhulu.”
^ Ine, “mbuhinangelwa.”
^ Melaka Liokonthuko: “Onosapeu mbenyi mbovivela.”
^ Melaka Liokonthuko: “Oityi ndyityindila ohitu yange komayo.”
^ Ine, “ohande yange.”
^ Ine, “mandyikayakulila onondyila mbange.”
^ Ine, “watyitukila-po.”
^ Ine hamwe, “Ine pena ou utyivila, ame himapopi, andyinkhi.”
^ Melaka Liokonthuko: “Ovipuka vivali vala uhapondola okundinga.”
^ Mokutala omunthu oo, o Sombe.
