Sombe 26:1-14
26 Sombe apopi ati:
2 “Pahe ngoondela wakwatesako umwe ou wehena etyi evila!
Wayovola umwe okuvoko kwehena ononkhono!+
3 Matiwa ngootyo wapakaila-mo-vo ou wehena onondunge!+
Walekesa* umwe nawa okuti una onondunge!*
4 Pahe ñgaa wahanda-vo okupopila-lie?Olie wekufimina, wekuti ovio ukapopie ovio?*
5 Veli nokuteketa vokwankhia vehevili vali natyike.Veli kohi, valamba apa pehikila omeva, valamba atyiho tyikala momeva.
6 Kondyembo* kumoneka komaiho a Huku,*+ kumuhoyo,Nomandindi eli-ko weelwete.*
7 Oku kombanda eulu welihandula,*+ ehelitentheka kotyipuka natyike,Ohi keitenthekele kotyipuka natyike.
8 Omeva weewingila momakaka ae,+Opo omakaka ahalemenwe aatutana.
9 Kotyipundi tyae ufika-ko,Ufika-ko ekaka liae.+
10 Unthinda kombanda yomeva+ oku kwaoyela eulu.*Otyimimi utyipa onondimbu opo tyahahonye nenthiki.
11 Onomphandyi mbeulu mbuteketa,Tyina amakandukila mbutumphuluka.
12 Una ononkhono,+ ukwata umwe elunga elipuñgainya,Omunongo, enyama enene liomelunga ulitipaula ovinthimbu.*+
13 Eulu liasukuka tupu, omphepo itunda mwe pokufima.*Nonyoka yokutyoomoka* wiipaa.
14 Tala! Ovio havio-ko-ale mwene, ovio nkhele ovitutu;+Etyi twiiva nkhele okwavakelwa-po vala!
Olie ñgeno unoñgonoka omutitimo wae omunene?”+
Outoi
^ Ine, “unene.”
^ Ine, “ounongo wove.”
^ Melaka Liokonthuko: “Omphepo yalie yatunda mwoove.”
^ Tala Onondaka Mbahangununwa.
^ Melaka Liokonthuko: “Ae.”
^ Ine, “weete o Ambandon yahikuluka.”
^ Melaka Liokonthuko: “Okulio kwekumbi wekuyala.”
^ Melaka Liokonthuko: “Elola.”
^ Melaka Liokonthuko: “Laambe.”
^ Ine, “nomphepo yae.”
^ Ine, “yokwehevilwa.”