Sombe 35:1-16
35 Eliyuu atwala-ko nokupopia, ati:
2 “Hamwe waviukisa, etyi wati:‘Ame ndyimuviuki vali ku Huku?’+
3 Soka ove wati: ‘Ame okuviukisa tyikulinga-tyi?*
Pahe ñgana ndyikahi vali nawa tyipona ine nalingile onkhali?’+
4 Ame mandyikupopila,Amuho nomapanga+ ove.
5 Nkhele yelula vala omaiho otale peulu,Tala umwe nawa omakaka eli meulu,+ meulu-ulu.
6 Ove okulinga onkhali Huku matyimulingi-tyi?+
Ononkhali mbove ngambulingi ñgoo ononyingi, tyimulinga-tyi?+
7 Ove okukala omunthu omuviuki umupa-tyi?Kwoove mapolo-ko-tyi?+
8 Ovivi ulinga vinyona vala vakwenyi,Ove okuviukisa ukwatesako vala vakwenyi.
9 Ovanthu okulingwa onya vaulula onkhwo,Vaulula onkhwo vakwatesweko, vayovoke koutumini* wo vokwapama.+
10 Mahi nawike uti: ‘Huku uli-pi, Huku Omutungi Omunene+ wanthunga?Uli-pi wokutwiimbisa oviimbo kounthiki?’+
11 Huku utulongesa+ atulingi vali tyipona ovinyama vili kombanda yohi,+Utwaavela ounongo atulambe-po oviila meulu.
12 Ovanthu veliyava kwe, ngwe utehela vala kalingi natyike,+Mokonda onondingavivi kavetavela.+
13 Tyotyili, Huku katehela omunthu uulula vala onkhwo ehena etyi amona,+Huku Omuvili wa Atyiho, kesuku nae.
14 Pahe ove wati hamwe mekwiivi, ove wiivala himweete!+
Omphela yove ili-ale kwe, pahe ove ñgeno ankho utala vala kwe.+
15 Una katile-ale ngaliti pano muna okwonga omphela,Una kesukile-ale nomakamo ove.+
16 Sombe ulipwilisa vala nokwikula omulungu.Upopia vala unene ehena-le etyi ei.”+
