Sombe 8:1-22
8 Ou Mbilindande+ watuka mu Suwaa,+ ati:
2 “Mopopi ngootyo mukwe atee-pi?+
Onondaka mbove mbulinga vala ngomphepo onene ipuka!
3 Okuti Huku upengesa alingi onya?Okuti Huku Uvila Atyiho utyopola etyi tyaviuka?
4 Ine ovana vove valinga onkhali kwe opo vemunumanesa,Otyo eveyekela vaipawe, okwehetavela kwavo kweveipaesa.*
5 Ine ove wahatekelele ku Huku ulipopie kwe,+Olifefe ko Wokuvila Atyiho omwiiti ekukwateseko,
6 Ine ove tyili umusukuki, ulinga umwe evi viaviuka,+Ñgeno wekwiiva esuku noove,*Ñgeno wekukondola kouwa, ekupake apa ove mwene uhiwa.
7 Namphila ponthyimbi wamwene-le apa ulifwe,Mahi ñgeno pahe wakala omunthu utiwa oyou.+
8 Nkhele mphulile-vo vala kovakulu-kulu,Tehelela umwe nawa ovipuka ovakulu vavo vamwene-mwene.+
9 Onthwe twatyitwa vala mongulo apa, tutupu etyi twii,Ononthiki mbomwenyo wetu kombanda yohi, mbafwa vala okahi.
10 Okuti ovo havo mavekulongesa?Okuti havo mavekupopila etyi vei?*
11 Okuti onole ikulila apa pahakene omeva?
Okuti omanyenga ekulila apa pehena omeva?
12 Ovifo ovio vikukuta kavisete-ale, vikukuta umwe tyahatukulilwe,Ovio vitetekela okukukuta kovifo ovikwavo aviho.
13 Ovanthu vokulimbwa ku Huku ongootyo vakala,*Omunthu wokwehetavela* Huku, etyi akevela katyikaenda nawa.
14 Apa ayumba onthumbi, kapesilivila,Apa apamena kapakolele, palinga vala ngolwauvi.*
15 Mekeliyeka mondywo yae, ngwe aitoko-po.Makahetekela okukwatelela-mo, ngwe aivu-po.
16 Omunthu oo wafwa otyifo tyatalala umwe mahi tyili momutenya,Otyifo tyahanduka, tyamana-po otyitaka atyiho.+
17 Omii viatyo vilipondaila monthumbo yomamanya.Utaindya ondywo pokati komamanya.*
18 Mahi tyina apa ali amatukulwa-po,*Haa kapemwiimbuka vali, mapati: ‘Ove hinekumone.’+
19 Ongootyo umwe omunthu oo makanyima-ko.*+Vakwavo avakatumba apa ali.
20 Mwene-mwene Huku kaanye vana vakakatela motyili,*Tupu kakwatesako* onondingavivi.
21 Mahi ove, nkhele mekekuyolesa, mokwepwila nokuyola,Omulungu wove maukahambukwa aukakwiilila.
22 Vokukuyele, mavakakunda umwe avekepwila-mo,
Eli ekaka lionondingavivi, kamalikakala-ko vali.”
Outoi
^ Melaka Liokonthuko: “Weveyumba kokwehetavela kwavo.”
^ Ine, “wakatuka ekukwatesako.”
^ Melaka Liokonthuko: “Kamavapolo onondaka momitima viavo?”
^ Melaka Liokonthuko: “Ombo, ombo onondyila mbomunthu ulimbwa Huku.”
^ Ine, “watyitukila-po.”
^ Melaka Liokonthuko: “Ngondywo yeuvi.”
^ Ine, “woovola ondywo yomamanya.”
^ Ine, “amanyinwa.”
^ Ine, “ongootyo tyisenguluka ondyila yae.”
^ Ine, “vahavelwa onombei.”
^ Melaka Liokonthuko: “Kamakwate mokuvoko kwonondingavivi.”