MBUNGA yaonganekwale kohale, mahi hono ikahi nokupita movitateka ovinene. Ovana ovatutu hono vekahi nokusipa unene ovihemba vikoleswa nokulinga omaundalelapo, okulihenga nokulipaa mombunga tyikahi nokuliyawisa, ovana vatekulwa vala na he ine o ina vekahi nokuliyawisa, novitateka ovikuavo ovinene vikahi nokumoneka. Iya ovanthu velipula inkha onombunga mambutualako.

Okuti nkhele tyivilwa okukala nombunga ikahi nawa ipondola okuamena ovanthu vayo? Yoo, tyesukisa okunoñgonoka etyi tyieta ehambu mombunga. Otyo aveho vapondola okutyivasa, katyaholamene. Otyo oityi? Omukanda ou, Etyi Tyieta Ehambu Mombunga ukumbulula nawa epulo olio. Tupu waava omakumbululo ekahi nawa alekesa oñgeni “otyo” tyipondola okukuatesako okutetulula ovitateka ovinyingi mombunga. Okuti kuna omunthu umwe uhesukisa onondonga ombo?