Tyina Utala, Ovipuka Komutwe Oku Mavikakala Ñgeni?
Ouye uno . . .
-
maukala umwe ngeetyi ukahi?
-
mauvilipo?
-
maukala vali nawa?
ETYI OMBIMBILIYA IPOPIA
“Huku . . . makasekuna ononkhuka momaiho avo, kakukankhiwa vali, kakukalilwa vali, kakukaululwa vali onkhwo, nii onongembia kambukakala-ko vali. Ovipuka vyo kohale vialamba-le.” — Eholololo 21:3, 4, Ombimbiliya Ikola.
OTYO OTYIWA MOKONDA YATYI?
Matukahambukilwa ovilinga vietu. — Isaiya 65:21-23.
Petupu vali ou makavela, petupu vali ou makamona ononkhumbi. — Isaiya 25:8; 33:24.
Matukakala-ko apeho no vetu nomapanga etu. — Oviimbo 37:11, 29.
OKUTI TUPONDOLA UMWE OKUYUMBA ONTHUMBI MWEETYI OMBIMBILIYA IPOPIA?
Yoo, pena ovipuka vivali vituyumbisa-ko onthumbi:
-
Huku etyi apopia utyilinga umwe, katyimupono-ale. Ombimbiliya ipopia okuti “Siovaa Huku Omunene,” utupu etyi ehevili okulinga. (Eholololo 15:3) Naina, etyi apopia okuti maviukisa ovipuka pano pohi metyilingi umwe. Ombimbiliya yati: “Ku Huku ovipuka aviho vivilwa.” — Mateusi 19:26.
-
Huku wesuka umwe natyo tyokufwisapo etyi apopile. Siovaa wesuka umwe natyo tyokututilisa vokwanyima. — Sombe 14:14, 15.
Ombimbiliya tupu ipopia okuti Sesusi, omona wa Huku, wahakulile ovavei. Omokonda yatyi ahakulilile ovavei? Omokonda otyo umwe ankho ahanda. (Maluku 1:40, 41) Sesusi ukahi nga Tate yae, wahanda okukwatesako ovanthu vena ovitateka. — Swau 14:9.
Otyo tuyumbila-ko onthumbi yokuti ovo Siovaa na Sesusi vetuhandela ovipuka oviwa, vahanda tuhambukwe! — Oviimbo 72:12-14; 145:16; 2 Petulu 3:9.
NKHELE SOKA VALA KEPULO ELI
Oñgeni Huku makaviukisa ovipuka pano pohi?
Ombimbiliya ipopia oñgeni metyilingi momukanda wa MATEUSI 6:9, 10 nowa NDANIYELE 2:44.
Hamwe Noove Uhanda
OMUTALA WOMULAVI
Otyili Konthele Yetyi Matyikamoneka Komutwe Wandyila
Pameka onthumbi yove movipuka Huku alaa okukalingila ohi, novanthu mavakakalamo.
ESSENTIAL BIBLE TEACHINGS
Ouhamba wa Huku Oityi?
Etyi Sesusi ali pano pohi walongesile vali unene konthele Youhamba wa Huku tyipona ovipuka ovikuavo. Momanima omanyingi ovanthu velikuambela opo Ouhamba wae uye.
OMUTALA WOMULAVI
Oityi Ouhamba wa Huku Maukalinga?
Sesusi ankho utyii okuti Ouhamba wa Huku oo vala utyivila okumanako ovitateka viovanthu. Oityi Ouhamba wa Huku walinga-le? Ekumbululo liepulo olio lipondola okutukuatesako okuyumba onthumbi muo.
ONTHUE VALIE
Ita na Ulongeswe
Lilongesa epulo limwe lyo Mbimbiliya, ine konthele yo Nombangi mba Siovaa.
