Okuti Vokwankhia Vapondola Okututila?
Mokumbulula okuti . . .
-
yoo?
-
au?
-
hamwe?
ETYI OMBIMBILIYA IPOPIA
“Onondingaviwa mavakatutila naava vehenondingaviwa mavakatutila.” — Ovilinga 24:15, Ombimbiliya Ikola.
OTYO OTYIWA MOKONDA YATYI?
Otyo tyituungumanesa putyina twamasiwa-po. — 2 Ova Kolindu 1:3, 4.
Katutili owoma ononkhia. — Ova Hembeleu 2:15.
Tukevelela onthiki matukelivasa vali no vetu vokwanyima. — Swau 5:28, 29.
OKUTI TUPONDOLA UMWE OKUYUMBA ONTHUMBI MWEETYI OMBIMBILIYA IPOPIA?
Yoo, pena ovipuka vitatu vituyumbisa-ko onthumbi:
-
Huku oe watunga ovanthu. Ombimbiliya ipopia okuti Siovaa Huku “ondyivi-ndyivi yomwenyo.” (Oviimbo 36:9; Ovilinga 17:24, 25) Ine Oe watunga ovipuka aviho vili-ko vina omwenyo, opo nokututilisa vokwankhia katyimupono vali.
-
Huku kohale watutilisile-ale vokwankhile. Ombimbiliya ipopia okuti kwali-ale ovanthu vena etyinana vatutilisilwe avakala vali nomwenyo — ovana, novakulu, ovalume, novakai. Vamwe kavakalele ehimbwe avatutiliswa, mahi vamwe vapakelwe avakala ononthiki ononkhwana. — Swau 11:39-44.
-
Huku wesuka umwe unene natyo tyokututilisa vokwankhia. Siovaa uyele ononkhia; ondyale onene. (1 Ova Kolindu 15:26) Ondyale oyo onene ononkhia, mekeinyima-ko, vokwankhia ekeveeta vali kouye. Vana ahinangela mekevekondola vali kouye. — Sombe 14:14, 15.
NKHELE SOKA VALA KEPULO ELI
Omokonda yatyi tukulupila atunkhi?
Ombimbiliya ityipopia momukanda EHIMBIKILO 3:17-19 nowa OVA LOMA 5:12.
Hamwe Noove Uhanda
ESSENTIAL BIBLE TEACHINGS
Vokuankhia Vekahi Ñgeni?
Ombimbiliya ipopia omuvo ovanthu ovanyingi vokuankhia mavakatutiliswa, nga Lasalu.
OMAPULO OMBIMBILIYA AKUMBULULWA
Oityi Tyitiwa Etutilo?
Mokahuva unene okukatala ovanthu mavakatutilisw.
OMUTALA WOMULAVI
Oñgeni Mokala Nonthumbi—Yokuti Vokuankhia Mavakala Vali Nomuenyo?
Ombimbiliya ilekesa omahunga evali omawa opo ovanthu vayumbe onthumbi metutilo.
ONTHUE VALIE
Oityi Wesukisila Okulilongesa Ombimbiliya?
Ombimbiliya ina omakumbululo omapulo omanene ovanthu ovanyingi mouye vena. Okuti noove una limwe uhanda okunoñgonoka?
ETYI OMBIMBILIYA ILONGESA
Hetekela Okulongeswa Ombimbiliya
Ovola ou mamulilongesa nae Ombimbiliya mekulongesa vala otyali.
