Okuti Ononkhumbi Mambukapwa-ko?
Mokumbulula okuti . . .
-
yoo?
-
au?
-
hamwe?
ETYI OMBIMBILIYA IPOPIA
“Huku . . . makasekuna ononkhuka momaiho avo, kakukankhiwa vali, kakukalilwa vali, kakukaululwa vali onkhwo, nii onongembia kambukakala-ko vali.” — Eholololo 21:3, 4, Ombimbiliya Ikola.
OTYO OTYIWA MOKONDA YATYI?
Mokonda Huku hae-ko ukahi nokweeta ononkhumbi tukahi nokumona. — Tiaku 1:13.
Tyina tumona ononkhumbi Huku nae tyimwiihama. — Sakaliya 2:8.
Tyituhambukiswa okunoñgonoka okuti ononkhumbi mambukapwa-ko. — Oviimbo 37:9-11.
OKUTI TUPONDOLA UMWE OKUYUMBA ONTHUMBI MWEETYI OMBIMBILIYA IPOPIA?
Yoo, pena ovipuka vivali vituyumbisa-ko onthumbi:
-
Huku uyele ovivi nononkhumbi ovanthu vamona. Kohale, ovanthu va Huku tyina ankho valingwa onya nae tyemwiihamene. Ombimbiliya ipopia okuti Huku tyemwiihamene “mokonda ya vana vokuvemonesa ononkhumbi, na vana vevelinga onya.” — Ovakoyesi 2:18.
Huku kahande vana vokulinga vakwavo onya. Ombimbiliya ipopia okuti Huku uyele, “omavoko amomesa ohonde yomunthu wehena etyi alinga.” — Omihe 6:16, 17.
-
Huku wesuka nomunthu na munthu. Hanthwe vala twii omalwiihamo nononkhumbi tukahi nokumona, Siovaa nae tyimwiihama! — 2 Ehipululo 6:29, 30.
Apa kapii Siovaa mamane-ko ononkhumbi munthu na munthu ekahi nokumona. (Mateusi 6:9, 10) Mahi nkhele putyina ehenemane-ko ononkhumbi ombu, Siovaa uungumanesa vana vekahi nokumona ononkhumbi. — Ovilinga 17:27; 2 Ova Kolindu 1:3, 4.
NKHELE SOKA VALA KEPULO ELI
Oityi Huku nkhele ayekelela-ko ononkhumbi?
Ombimbiliya ityipopia momukanda OVA LOMA 5:12 nowa 2 PETULU 3:9.