Ehinangeleso Pala Ovohe

Otyipuka patyi otyiwa vali upondola okuavela ovana vove? Ovana vesukisa ovipuka ovinyingi, okukutikinyamo oluembia luove, nehongolelo, neameno. Mahi, otyipuka tyakolela vali upondola okuavela ovana vove, enoñgonoko lia Jeova, notyili tyivasiwa Mondaka yae, Ombimbiliya. (João 17:3) Enoñgonoko olio lipondola okukuatesako ovana vove okukala vali nohole na Jeova, nokumuumbila nomutima auho, namphila nkhele ovatutu.​—Mateus 21:16.

Ovohe ovanyingi, vamona okuti ovana ovatutu vahambukwa vali tyina valongeswa omuvo wehehi. Moluotyo, tuna ehambu liokumuavela omukanda ou wati, Omalongeso Ange Ombimbiliya. Omalongeso alingwa pala okulongesa ovana monkhalelo yapepuka. Omalutalatu, no notestu mbulimo, mbalingwa haunene pala okukuatesako ovana vena omanima etatu ine ovatutu vali. Muakutikinya ovipuka vimwe pala okupitulula nomona wove etyi muelilongesa. Omukanda Omalongeso Ange Ombimbiliya, kawalingilue opo ovana vanyane nao. Mahi walingua opo uutangele ovana vove, amukala netompho ewa.

Tuna onthumbi yokuti omukanda ou maukukuatesako okulongesa ovana vove otyili Tyombimbiliya “tunde pouna.”​—2 Timóteo 3:14, 15.

Ovakuatate venyi,

Ononkhalamutwe mbo Nombangi mba Jeova

[Olutalatu pefo 3]