ONTHELE YA 6
Tunde Pokutyitwa kua Yesu alo Pononkhia Mbae
Oandyu Gabriel yatumwa komuhikuena umue ondalawa ankho utiwa o Maliya. Oandyu yatolela Maliya okuti makala nomona makatumina apeho ngo hamba. Omona Yesu, watyitilua motyunda, omu ovanthita vekemutalelapo. Onthungululu imue yahongolela ovalume Vokoutundilo alo komona oo. Matulilongesa olie wamonekesa onthungululu oyo kovalume ovo, no ñgeni Yesu ayovolwa kononkhia.
Okulandulisako, matuvasi Yesu puetyi ankho ena omanima 12, ukahi nokuhipulula novalongesi mondyuo ya Yehova. Etyi papita omanima ekwi netyinana, Yesu wambatisalua. Iya ahimbika ovilinga Huku emutuma okulinga pano pohi, viokuivisa no kulongesa kombinga Youhamba. Yesu aholovona ovalume 12 iya evelingi ono apostolu mbae, opo vemukuateseko kovilinga ovio.
Tupu Yesu walinga omahuviso omanyingi. Yesu waavela okulia ovanthu ovanyingi no nohi mbehehi no nombolo mbehehi. Tupu wavelula ovavei no kututilisa vokuankhia. Okuhulako, matukelilongesa kombinga yovipuka ovinyingi viapita na Yesu mokuenda kuonthiki yahulako yomuenyo wae, no ñgeni aipawa. Yesu waivisa omanima 33 nomeya, ngotyo, ONTHELE ye 6 ina ehipululo liomanima 34.
MONTHELE EI
EHIPULULO 84
Oandyu Italelapo Maliya
Oandyu yaetele ondaka ya Huku, yatile Maliya makutula olukembe makala ohamba, atumina umwe atee-tee.
EHIPULULO 85
Yesu Watyitilwa Motyunda
Omokonda yatyi omunthu ankho makala ohamba atyitililwe mohambo?
EHIPULULO 86
Ovalume Vahongolelwa Nonthungululu
Olie wahongolelele ovalume vana apa ankho peli Sesusi? Tutalei etyi tyevehongolelele.
EHIPULULO 87
Okamukuendye Yesu Mondyuo ya Huku
Otyipuka Sesusi alingile tyahuvisile unene ovakulu ankho valongesila mondywo ya Huku.
EHIPULULO 88
João Umbatisala Yesu
Swau ankho umbatisala ovanthu ovakwankhali, mahi Sesusi ankho utupu onkhali. Opo naina oityi Swau emumbatisalelele?
EHIPULULO 89
Yesu Usukukisa Ondyuo Ya Huku
Sesusi wanumanene mokonda ankho uhole ondywo ya tate yae.
EHIPULULO 90
O Yesu Nomukai Ponyombo
Omaande patyi Sesusi ankho eli nokupopia, ati oo maavela omukai omu Samaliya, ahankhia-ankhia vali ohunga?
EHIPULULO91
Yesu Ulongesila Komphunda
Lilongesila kovipuka Sesusi apopile etyi eli nokulinga Elongomona Komphunda.
EHIPULULO 92
Yesu Ututilisa Vokuankhia
Kononkhono mba Huku Sesusi apopi onondaka onombali, atutilisa omona wa Sailu omukainthu.
EHIPULULO 93
Yesu Waavela Okulia Ovanthu Ovanyingi
Etyi Sesusi aavelele ovanthu vana ovanyingi-nyingi okulia, wetulongesa-tyi?
EHIPULULO 94
Yesu Uhole Ovana
Sesusi wapopilile ovalongwa vae okuti vapondola okulilongesila ovipuka ovinyingi kovana.
EHIPULULO 95
Onkhalelo ya Yesu Yokulongesa
Sesusi pokulongesa ankho upopia onoñgano, imwe apopile o yomulume omu Samaliya.
EHIPULULO 97
Yesu Uya Ngo Hamba
Ovanthu ovanyingi-nyingi vayakula Sesusi lwohamba, mahi vamwe kavetyihambikililwe.
EHIPULULO 98
Yesu Ukahi Komphunda Yo Mindyambi
Sesusi wapopilile ovalongwa vae vekwana ovipuka hono tuhole okumona.
EHIPULULO 99
Yesu Ukahi Novalongwa Vae Mondyuo Imue Onene
Omokonda yatyi Sesusi apopilile ovalongwa vae vahinangele ononkhia mbae omanima aeho?
EHIPULULO 101
Yesu Waipaua
Etyi Sesusi eli momuti wemone eheneyeke omwenyo, wapopilile omulume ankho wapapelelwa ponthele yae okuti makakala nae momphangu yombembwa.
