OU OMUKANDA umue wokuna omahipululo o tyotyili. Omahipululo atyo apolwa mo Mbimbiliya, omukanda wokuapona omikuavo ouye auho. Apopia kombinga youye, okutundilila puetyi Huku ahimbika okulinga ovipuka alo mo nonthiki mbetu. Tupu apopia kombinga yetyi Huku makalinga komutue.

Omukanda ou maukukuatesako okunoñgonoka esilivilo lio Mbimbiliya. Upopia kombinga yovanthu vapopiwa mo Mbimbiliya novipuka valinga. Tupu ulekesa ekevelelo enene liomuenyo wahapu Huku makaavela ovanthu mouye omupe pano pohi.

Mo mukanda omu muna omahipululo 116 aonganekwa mo nonthele etyinana. Efo liokuhimbika lia kese nthele lipopia mo nondaka mbehehi etyi tyivahiwa monthele oyo. Omahipululo omukanda ou ahipululwa okulilandula omu ovipuka viaendela. Otyo matyikukuatesako okunoñgonoka onalupi ovipuka ovio viapita, no kuvieleka novipuka ovikuavo.

Omahipululo atyo apopiwa mo nondaka bumue mbapepuka. Onue ovana mamuketyivila okuetanga. Onue ovohe, mamukatala okuti ovana venyi ovatutu mavakahambukwa putyina muvetangelako omahipululo oo. Mamunoñgonoka okuti omukanda ou una ovipuka ovinyingi viesukisa kovana no kovakulu.

Konthyulilo ya kese hipululo kuvasiwa ono versikulu mbo Mbimbiliya. Ono versikulu ombo mbulekesa apa papolwa omahipululo oo mo Mbimbiliya. Mbutanga.