Tukupandula etyi wataindya omuvo wokutanga ombulusula ei opo unoñgonoke vali nawa Onombangi mba Jeova, novilinga vietu, nokutala oñgeni eongano lietu liundapa. Tukevela okuti omukanda ou maukukuatesako okuimbuka okuti onthue vala tukahi nokulinga ehando lia Jeova hono. Tukuavela ondundo opo utualeko okulilongesa konthele ya Huku, nokupopila ombunga yove nomapanga etyi ukahi nokulilongesa, nokuliongiya apeho nonthue momaliongiyo etu Ovakristau.—Hebreus 10:23-25.

Putyina ulilongesa vali konthele ya Jeova, monoñgonoka okuti ngwe ukuhole unene. Otyo matyikulundu okulinga ononkhono mbokulekesa okuti nove umuhole. (1 João 4:8-10, 19) Mahi, oñgeni molekesa monkhalelo utyinda omuenyo wove okuti uhole Huku? Omokonda yatyi okutavela ovitumino viae matyikuetela ouwa? Oityi matyikukuatesako okuhanda okulinga ehando lia Huku kumwe nonthue? Omulongesi wove Wombimbiliya mekulekesa nehambu omakumbululo omapulo oo, opo ove nombunga yove “mutualeko okukala mohole ya Huku, . . . pala okupewa omuenyo uhapu.”—Judas 21.

Tukukonga opo utualeko okuendela mondyila yotyili, mokulilongesa omukanda ou pombuelo . . .