VOKULEKESA OVANTHU POVIPUNDI Vokulekesa ovanthu povipundi vapewa otyilinga otyo opo vekukuateseko. Mbambavo tavela etyi vekupopila, ngetyi opo nomphangu patalamena omatuku-tuku, na apa una okukuata, na apa muna okupumphama, novikuavo vali.

OMBATISIMU Vana mavambatisalwa vena okupumphama povipundi vapongiyilwa, tyina nkhele elongomona liombatisimu lihenehimbike. Kese umwe, wesukisa okutyinda etuaya nomuvalo waviuka nawa, uhamonekela pala okumbatisalwa mo Tyasapalo komuhuka. Ovipundi vya vana mavambatisalwa vikale komutwe popepi nomulongomoni.

OVIAWA Tyesukisa onombongo ononyingi pala okupongiya nawa ovipundi, no nomikrofone, novilinga ovikuavo opo otyonge tyiende nawa nokutukuatesako okufuena ku Siovaa. Oviawa vienyi, mavikuatesako okufeta ovipuka ovio aviho, tupu mavikuatesako ovilinga viokuivisa Ondaka ya Huku mouye auho. Motyonge muna oukasa umoneka nawa, opo kese una uhanda okupakamo onombongo akuateseko ovilinga ovio.Tupu upondola okulingila oviawa viove mo donate.pr418.com. Oviawa vienyi vipandwa unene. Moluotyo, Ononkhalamutwe mbo Nombangi mba Siovaa vapandula unene etyi mukahi nokukuatesako ovilinga Viouhamba wa Huku.

OSEKETA YOKUKUATESAKO VANA VAVELA Mbambavo, hinangela okuti oseketa oyo ikuatesako vala vana vatumbuki nouvela motyonge.

OVIPUKA VIAVOMBA NA VINA VIAKOYUA Ovipuka aviho viakoyua vina okutualwa ko Seketa oyo. Inkha wavombesa otyipuka tyimwe, enda koseketa oyo opo ukaimbuke otyipuka tyove. Ovana vavomba ko vohe, tyesukisa okuvetuala koseketa oyo. Mahi, oseketa oyo hayokulela ovana. Mbambavo, yungei nawa ovana venyi. Vakale ponthele yenyi omuvo auho.

OVIPUNDI Kala nonthilo na vakuenyi. Hinangela okuti tyitavela okupakela vala ovipundi vana ukala navo, na vana waenda navo metuku-tuku liove ine vana ulongesa Ombimbiliya. Uhapake ovipuka viove kombanda yovipundi inkha hapoko mopumphama.

VOKULIAVA MOVILINGA VIOTYONGE Inkha uhanda okukuatesako ovilinga viotyonge, mbambavo enda koseketa: Vokueliava Movilinga Viotyonge, opo ukapewe ovilinga.

Osikola Yovaivisi Vouhamba Wa Huku Ovakokoli-ndyila vomuvo auho, vena omanima 23 atee 65 vahanda okuyawisa vali ovilinga viavo viokuivisa, vakongwa opo vakale peliongiyo Liosikola Yovaivisi Vouhamba wa Huku malilingwa Tyalumingu kekumbi. Oola nomphangu apa malilingilwa mavipopiwa motyonge.